/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Одењето на море дефинитивно е лековито, потврдува и модерната наука. Ако дневно поминете само 15-30 минути на море, дури и во ладна зима, можете значително да го подобрите сопственото здравје. Еве и зошто:

Морски воздух

Специфичниот мирис на морето го предизвикува соединението диметил сулфид, кој доаѓа од морето. Ако се надишете морски воздух, навечер ќе спиете подобро, бидејќи е полн со негативни јони на водород, заради што полесно го апсорбираме кислородот (ова е посебно добро за оние кои ги мачат проблеми со дишните патишта). Негативните јони се борат против слободните радикали и го урамнотежуваат нивото на серотонин – хормонот на среќата.

Морска вода

Морската вода ублажува и некои кожни болести, како дерматитис. Солта и калиум хлоридот помагаат во зацелување на оштетената кожа. Од британската задруга на дерматолози објаснуваат дека морската вода може да помогне  во повлекување на егзема заради своите антисептички состојки, но и тоа дека кожата може да се поправи и заради други фактори, како опуштање и промена на климата и храната, кои одат заедно со морето.

Сепак, кога сте на море треба да внимавате од сушење на кожата, па заради тоа треба да се туширате и да ставате повеќе крем на телото и лицето. Морската вода е лек за синуси, алергии и настинки. Делува како добар антихистаминик и ги отвора дишните патишта.

Сончева светлина

Сончевите зраци се исклучително здрави за луѓето. Така ја добиваме потребната количина на витамин Д, кој повеќе делува како хормон, отколку како витамин, бидејќи го регулира здравјето на коските, мускулите, го зајакнува имунитетот, го подобрува спиењето и расположението.