/51 /11

Макс, Харви и Лукас Удел се најмалите предвреме родени бебиња, кои успеале да преживеат во Велика Британија. Родителите на чудесната тројка, Рејчел и Ешли, биле пресреќни затоа што лекарите дозволиле нивните деца да бидат пуштени од болница, две недели пред рокот кој го прогнозирале.

Мајката, за британски Sun изјавила: "Навистина е неверојатно што преживеаја. Вистинско чудо е само едно бебе да преживее родено толку рано и со толку мала тежина. Дури и сега, тие не требаше да бидат родени. Нивните очи се уште се во развој и постојано ги тестираат. Дури ни луѓето во болницата не можат да веруваат дека децата се пуштени дома без лекови и апарати за дишење".

Тројките се зачнати по природен пат, две години по венчавката на Рејчел и Ешли. На свет дојдоа со вонреден царски рез, само пет дена по 24-та недела. Веднаш биле сместени на интензивна нега и имале 12 трансфузии на крв од моментот на раѓање.