/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Во текот на тој период здравите бебиња не треба дополнително да пијат вода, со оглед на тоа што мајчиното млеко ја обезбедува потребната количина на течности која му е потребна на организмот.

Но, од петтиот или шестиот месец, кога детето покрај доењето  ќе почне да јаде и тврда храна, може да му се даде вода во шишенце, со лажиче, или во чаша, за да му се намали жедта.

Значи водата е прва течност, која покрај мајчиното млеко, му се дава на бебето.

Иако најчесто се користи преварена вода од чешма, постојат и шишиња со вода кои се наменети за доенчиња, како и за мешање на кашичките за бебе.

Педијатрите укажуваат дека водата во шишиња, која се употребува за подготовка на млечни кашички е строго контролирана и не е потребно да се преварува. Заради тоа природната негазирана минерална вода, полнета на изворите во стерилни услови е погодна за доенчиња и мали деца, за подготовка на храна и кашички за децата.

Таа вода, исто така содржи поволен состав  на минерали и електролити и е погодна за подготовка на млечен оброк при што ги обезбедува прошишаните вредности во готовите храни за бебиња.

Природната негазирана минерална вода може да се користи и за подготовка на првите зеленчукови  и овошни кашички, готовата детска храна и подоцна  за подготовка на месни, рибји и кашички од житарици.

Недоволно развиената свест за внес на вода во организмот веќе е присутна кај повозрасната популација и заради тоа е пожелно навикнување на детето на редовен внес на вода од првата година.