/11 /11

Неколку жени решија да ги споделат нивните искуства за промените што им се случиле во животот откако станале мајки.

Не сум повеќе гадлива

Пред две години не можев да замислам дека секој ден некому ќе му го бришам носот или ќе му менувам пелени. Тие „непријатни“ работи сега ги правам секој ден и не ги доживувам толку негативно.

Се заљубив на прв поглед

Кога бев бремена ми кажуваа дека ќе го сакам бебето повеќе од себе. Тоа ми звучеше неверојатно. Ми беше тешко да поверувам дека е можно да си посветен на некој друг на таков начин. Покрај тоа, иако отсекогаш сум сакала свое семејство, никогаш не сум бил од оној тип на жени кои сакаат да менуваат пелени и да стојат над шпорет. Бев скептична. Меѓутоа, кога бабицата ми го стави бебето на гради, тоа беше љубов на прв поглед во истиот миг.

Уште изгледав како во шестиот месец од бременоста

Сите мајки го знаат ова. Многу е непријатно. Знаев дека ќе имам вишок килограми по породувањето, но бев затечена од фактот дека во првите неколку недели изгледав како тесто во рерна. Матката се шири во бременоста, па треба да помине време додека с? е врати на свое место.

Доењето е една од најтешките работи што сум ги направила во животот

Иако доењето звучи како природен и едноставен процес, мене ми беше многу напорно. Морав да внимавам што јадам и што не смеам да јадам за да имам млеко. Исто така, беше тешко да ги усогласам моето време со потребите на бебето за јадење во одредено време. Покрај психичкиот стрес, доењето исто така физички исцрпува.

Не знаев колку е прекрасна детската прегратка

По природа сум нежна и сакам да се гушкам со сопругот. Но ништо не се споредува со гушкањето со бебето. Тоа навистина е единствен момент кога некому безусловно му се предавате. Кога син ми ќе ги стави рачињата околу мојот врат и ќе ме бакне во образ... тоа е совршенство!