/11 /11

Здравото бебе изгледа крупно и црвено, има буцкасти образи и тркалезно стомаче.  Засеците на рачињата и ножињата не се знак дека детето е предебело, бидејќи ги имаат сите нормално хранети бебиња. Како тогаш да знаеме каде е границата меѓу дебело и нормално хрането бебе?

Масните клетки се важни 

Педијатрите користат табела за просечната месечна тежина на бебињата, водејќи сметка за возраста и полот на бебето. Телесната тежина, сметаат стручњаците е само една од битните факти за утврдување на дебелината кај децата.

Постојат многу крупни бебиња, со минимални слоеви на сало, додека од друга страна можат да се видат бебиња кои изгледаат буцкасто, но имаат нормална тежна. И на крај, постојат недвосмислено  дебели деца, чија тежина е далеку над просечната, а слоевите на сало им се големи. И така, повторно стигнуваме до теоријата за масните клетки.

И бебињата со нормална тежина, како и несомнено дебелите бебиња, биле кандидати за следната теза: кај децата кај кои има премногу сало, во текот на времето се создаваат повеќе масни клетки отколку што е генетички програмирано и исклучително е тешко да се ослободите од нив.

Клучот е во корегираната исхрана

Статистиките потврдуваат дека 30% од дебелите бебиња имаат вишок на килограми и кога ќе пораснат, додека бебињата со оптимална тежина имаат само 5% шанси да бидат дебели. Според тоа, шансите од  дебело  дете да стане дебел возрасен чевек, статистички гледано се шест пати поголеми.

Тогаш кои бебиња имаат неповолна прогноза за подоцнежниот живот? Поважно од зголемениот број на масни клетки во раната младост се навиките за исхрана кои родителите ги создаваат кај децата. Трендот кон дебелеење во најголем број од случаите лежи во семејството, бидејќи детето најчесто јаде само тоа што гледа дека јадат родителите или она што ќе му го сервираат.

На тој начин се наследуваат навиките во исхраната од кои подоцна е тешко да се ослободите. Тоа може да го потврди секој кој бил на диета и кој се определил за некаков начин на симнување на килограмите. Резултатите од испитувањата тоа го покажуваат јасно:

-          Децата од семејствата во кои еден од родителите страда од вишок на телесна тежина, во 40% од случаите се исто така дебели.

-          Ако двајцата родители страдаат од дебелина, процентот дека и децата ќе им бидат дебели изнесува 70-80%. Ако на секое плачење на бебето одговарате со храна, уште во најраната младост може да дојде до погрешно урамнотежување на гладот и ситоста.