/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Од 6-18 месеци

Додека играте заедно Вашето бебе одеднаш Ве гризе за раката. Што да направите?

Не правете

Не гризете го за да почувствува болка. Многу родители мислат дека на овој начин ќе го научат бебето да не гризе, но бебињата не разбираат дека гризењето кај него и кај Вас предизвикува болка. Единствено што ќе добиете е што и двајцата ќе Ве боли раката и Вашата врска ќе се наруши.

Направете

1. Повлечете го бебето од Вашата рака и кажете “Не гризи. Боли!”.
2. Покажете алтернативно однесување, како прегратка.
3. Дајте му на бебето некоја мека играчка да ја прегрне.

Бебињата плачат, удираат, викаат и маваат за да ни ги соопштат своите потреби. Тие истражуваат преку допир, сакајќи да дознаат нешто повеќе за своите тела и животната средина. Не го прават тоа за да се повредат, или за да бидат непослушни. Треба да го ограничиме однесувањето кои претставува опасност за другите и за нив самите, но не на начин кој го плаши или му штети на бебето. Нашата цел е да им помогнеме на бебињата да ги покажуваат своите чувства, без да се повредат себеси или другите.

1. Следете ги сигналите на бебето кои укажуваат на возбуда или вознемиреност.
2. Покажете му на бебето како да ги изрази своите потреби на друг начин: преку плескање, или преку смеење.
3. Бидете доследни во сопственото однесување.

Од 2-3 години

Врескајќи и удирајќи по Вас, детето го фрла шишенцето од кое пие на подот, во продавницата за играчки, бидејќи не му ја купувате играчката која ја сака. Што да направите?

Не правете

1. Не се обидувајте да го вразумите. Децата не слушаат додека се лути.
2. Не губете го Вашето трпение, бидејќи тоа ќе го исплаши детето и ќе му даде лош пример.
3. Не му ја купувајте играчката бидејќи тоа ќе го сфати како награда за лошото однесување и ќе го охрабри неговиот бес.
4. Не го поткупувајте детето со слатки десерти. И понатаму ќе бара поткуп за да се смири.

Направете

1. Останете смирени и не грижете се што мислат другите.
2. Игнорирајте ја гужвата. Дајте му на детето што помалку внимание.
3. Држете го цврсто Вашето дете за да спречите да се повреди или нешто да скрши.
4. Напуштете ја продавницата ако лутината на детето продолжува.
5. Наградете го неговото евентуално брзо смирување.

Сите сме го почувствувале моментот кога децата се своеглави и немирни. Ова може да Ви изгледа како многу лош момент, но децата треба да поминат низ оваа фаза. Тие треба да ја откријат својата сила, да се одвојат како битија од своите родители, да научат за самоконтрола.  Ние можеме да ги учиме своите деца да се однесуваат правилно со наградување на доброто однесување, игнорирајќи го провокативното однесување, како превенција да не се повредат себеси или другите.

1. Пред да влезете во продавница, опишете му на детето како очекувате да се однесува и кажете му ги последиците од лошото однесување.
2. Бидете убедени во Вашата стратегија и не му допуштајте на детето да преговара со Вас.

Од 3-4 години

Вашето дете го турка или кубе девојчето со кое игра, или користи лоши зборови. Што да направите?

Не правете

1. Не го плескајте Вашето дете. Така ќе научи дека тепањето е дозволено.
2. Не му викајте и не губете го Вашето трпение. Со ова се намалува неговата самодоверба и дава лош пример.
3. Не го изолирајте Вашето дете од врсниците.

Направете

1. Слушнете ги причините на Вашето дете и дајте им поддршка на правилните чувства.
2. Кажете му на детето алтернативни зборови за изразување на моменталната состојба.
3. Дајте му на детето “Тајм аут” со користење на следните правила:

Правила за “Тајм аут”

1. Кажете му на детето со фин, контролиран глас дека е време за “Тајм аут”.
2. Преместете го Вашето дете во близина, но одвојте го од играта.
3. Кажете му на детето дека ќе мора да седи мирно онолку минути колку што има години. На пример за тригодишните деца “Тајм аут-от” ќе трае три минути.
4. Тајм аутот не е завршен засекогаш – ќе продолжи ако детето продолжи да се однесува лошо.

Децата на оваа возраст почнуваат да учат за правилата и границите на однесување, но прават грешки. Потребни им се потсетувања и итни последици за лошото однесување, со што ќе расте нивната самодоверба и ќе научат што е добро однесување без срам или конфронтација со родителите.

Од 5-7 години

Му кажавте на Вашето дете да ги собере коцките. Тоа одбива. Повторувате уште еднаш но детето не го прави тоа. Што да направите?

Не правете

1. Не го присилувајте. Детето ќе ги собере и ќе стане многу нервозно.
2. Не го етикетирајте детето како “мрзеливо” или  “лошо”. Ова може да доведе до намалување на самодовербата.
3. Не викајте и не се заканувајте, бидејќи нема да направите ништо од тоа.

Направете

1. Мирно и јасно кажете ја задачата. На пример: “Треба да ги собереш коцките во кутијата”.
2. Изберете временски лимит за извршување на задачата и наведете ги последиците ако тоа не биде направено. На пример “Ова треба да биде направено додека не дојде време за ручек, во спротивно нема да си играш надвор со другарите”.
3. Бидете сигурни дека последицата не е престрога, а на детето му е многу важна.
4. Изговорете ја последицата само еднаш, не повторувајте. Спроведете ја во пракса ако детето не ја изврши задачата.

На оваа возраст децата се свесни за правилата на доброто однесување, но сеуште имаат проблеми да ги прифатат своите одговорности. Тие ќе Ви кажат кога некоја казна не е фер. Важно е да им давате на децата многу пофалби и награди на оваа возраст. Бидејќи Ви помогнале заедно да ја расчистите масата по ручекот, ќе имате повеќе време за игра или раскажување на приказна.