/11 /11

Малечката Оливија е родена со исклучително ниско ниво на хемоглобин, состојка која пренесува кислород во црвените крвни клетки, па заради тоа нејзината кожа била потполно бела по раѓањето. Докторите не можеле да ја класифицираат како крв течноста која течела низ нејзините вени, пишува The Sun.

На Оливија и се дадени многу мали шанси за преживување. Докторите рекле дека ќе живее само два часа по раѓањето, но малечката Оливија преживеала благодарение на итната трансфузија на крв.

Мајката на Оливија кажува дека била шокирана кога го видела своето дете бело како дух. “Оливиа е мое прво дете, па не знаев што можам да очекувам. Кога Оливија се роди не знаевме што се случува. Точно се сеќавам дека докторот кој ме породуваше во извештајот напиша – бело и омалаксано новороденче”.

“Почувствував огромно олеснување кога лекарот ми кажа што се случува и кога видов дека Оливија добива розова боја, за време на примањето на трансфузијата”, раскажува нејзината мајка Луис.

Оливија е родена шест седмици порано со итен царски рез откако нејзината мајка не почувствувала движење три дена по ред.

Лекарите и сестрите исто така не можеле да си веруваат на очите. “Чудо е дека преживеа. Беше неверојатно бледа кога се роди и имаше потешкотии со дишењето”, рече медицинската сестра на Оливија која во 20 годишното работно искуство не се сретнала со таков случај.

Оливија е сега шест месечно девојче, а заради тоа што нејзиниот случај е исклучително редок, таа ќе го добие своето место во учебниците за медицина.

Извор: The Sun

И посакуваме добро здравје!