/11 /11

Заедно со мојот партнер тргнавме на долго патување за да посетиме едни пријатели во јужниот дел на Чиле, минатата недела. Тие живеат во земја опкружена со фарми и недогледни посеани полиња. Посетивме една од фармите за да купиме едно од нивните сирења и уживавме во зелените полиња во кои пасеа крави. Како дел од стандардите за обезбедување на добри услови за живот на кравите, сточарите од Чиле се приврзаници на природното раѓање. Ова го велам бидејќи на работ на пасиштето, во близина на халата за преработка на млеко, лежеше новородено теле заедно со својата мајка. Тоа се тетеравеше и легнуваше, па повторно се тетеравеше и легнуваше додека мајката среќно јадеше од плацентата и лежеше на тревата.

Ова беше навистина прекрасна глетка, особено по разговорот што го имавме со нашите пријатели за тоа како тие засадиле цвеќиња во плацентата од нивнито шест месечно бебе и саксијата ја ставиле на прозорецот од собата во која девојчето било родено.

Инспирирана од овие и други неодамнешни откритија на патот кон раѓањето на моето прво бебе, направив краток список на работи кои луѓето ги прават со плацентата. Многу стари традиции и нови работи го одразуваат посебниот однос кон плацентата на детето. Некои ја гледаат како близнак на душата на бебето, како и нејзин потенцијален и уникатен извор на лек и храна. Уживајте!

• Продолжена поврзаност со плацентата односно т.н. Лотус раѓање. Има мала заедница на родители кои се приврзаници на Лотус раѓањето и кои веруваат  во духовната и емотивната врска на бебето со плацентата и во здравствените бенефиции од тоа папочната врвца да отпадне природно и без отсекување. Бебето се раѓа и останува со неотсечена папочна врвца, а плацентата се чува блиску до бебето завиткана во свилена ткаенина. Папочната врвца се суши и собира во дијаметар и се одвојува најчесто за 3-7 дена оставајќи го папокот во совршенa состојба.
• Закопување на плацентата. Дали под веќе израснато или под новонасадено дрво, на некое свето место во градината или на друго место во дворот, постојат многу традиционални  и културни примери за закопување на плацентата.
• Изработка на отпечатоци од плацента. Без разлика дали тоа ќе биде направено на хартија, на ѕидот или на некое друго место постојат многубројни примери на правење на отпечатоци од прстите од бебето и мајката со крвта од плацентата.
• Јадење на плацентата или placentophagy, како што официјално се нарекува. Во некои култури се јаде пржена, а во некои сирова откако 9 дена стоела во фрижидер. Во природата имаме многу примери за ова, а и во многу културни традиции на народите е забележано јадење на плацентата. Нејзини придобивки се олеснување на постпородилната депресија, зголемување на лачењето на мајчино млеко и давање на дополнителна енергија. Овие традиции се карактеристични за афричките, неразвиени држави.
• Употреба на плацентата во медицински цели, преку нејзино капсулирање. Азиските култури веќе долго време ја користат плацентата како лек за подобрување на здравјето и виталноста. Современите методи на капсулирање на плацентата им нудат на мајките можност да ги имаат нејзините придобивки без да ја јадат плацентата.

Иако не сум приврзаник на онаа група на мајки кои инсистираат на лотус раѓање, сепак би ја оставила плацентата во близина на креветчето на бебето. Мојот партнер и јас дефинитивно сме воодушевени од идејата за садење на дрво на плацентата, но во никој случај не би ја јаделе сирова или пржена. Би можела да ја земам во форма на капсули, се разбира. Не сум подготвена да цртам со крвта од плацентата, тоа не е за мене!

Ако постои нешто што сакате да го направите со плацентата, или сте слушнале дека се прави, надополнете го овој список. Би сакале да споделите со нас и Ваши коментари.

Извор: Bobafamily