/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Пластика означена со број 3 -  V (Vinyl) или PVC  - испушта токсини во храната и пијалоците, а ризикот е поголем како што садот старее, или доколку се стави во машина за садови или во микробранова печка. Доколку сепак морате да готвите во PVC, не дозволувајте храната да го допира садот. Исто така никогаш не горете PVC пластика, бидејќи испушта токсини.

Пластика означена со број 6 - PS (polystyrene)  - Избегнувајте ја колку што можете повеќе. Испушта канцерогени материи особено кога се загрева. Ја има во чинии и чаши за еднократна употреба.

Пластика означена со број 7 (останати видови) – Широк спектар на пластика која не се класифицира во ниту една од шесте категории, се става во број 7. Некои видови од оваа пластика  се доста безбедни, но оние кои треба да не загрижуваат се видовите на поликарбонат кои се најдуваат во различни садови за пиење и бебешки шишиња. Поликарбонатот ослободува бисфенол А, потенцијален нарушител на делувањето на хормоните, во течностите.

Иако е најдобро пластиката во целост да се избегнува – доколку сепак морате да користите - Избегнувајте симболи 3,6 и 7. Иако број 1 се смета за безбеден, најдобро е да се избегнува и оваа пластика, бидејќи е познато дека дозволува  акомулирање на бактерии. Барајте ги симболите 2, 4, и 5 бидејќи тие се сметаат за најбезбедни.

Избор и превод: Фросина Ацевска, Felly RR