Доенчето треба да се обиде да јаде само
На доенче старо десет месеци покрај мешовитата исхрана потребни му се уште барем два млечни оброци дневно т.е мајчино или адаптирано млеко (неприлагодено млеко немојте да му нудите пред наполнета 1 година).

Во тој период детето почнува да се осамостојува и тоа го покажува при хранењето. Сака да јаде само – помали парчиња храна става со своите прстиња во уста и сака да го држи лажичето (бидете подготвени на неред и адекватно заштитете ја детската облека и подот) Ако сакате да се најаде убаво тогаш дајте му една лажица во раце, а со друга хранете го Вие. Ако детето фрла парчиња храна на подот не се возбудувајте, затоа што детето тоа го сфаќа како игра. Најдобро е при секој обид за фрлање на храната на детето со мирен тон да му кажете дека не смее. Подот исчистете го подоцна. Препорачливо е подот да го заштитите предвреме со весник.

Мени на доенчето

Детското мени се состои од разнообразно овошје, зеленчук, јогурт, житарици, месо, жолчка и тестенини. Храната му ја нудите по начелата за здрава исхрана, бидејќи во детството се оформува вкусот и подоцнежните навики на одредена храна.

Пред наполнети 12 месеци на детето НЕ нудете му неадаптирано кравјо млеко, белка, мед, свинско месо, ореви, лешници, кикиритки, чоколадо...Во првата година ограничете го додавањето на сол и шеќер во исхраната.

Моето доенче
Развојни фази
Исхрана
Спиење
Здравје и нега
Добро е да се знае
Си играме