На вашата одлука ќе влијаат многу работи. Сигурно знаете дека мајчиното млеко е најдобро за вашето дете, затоа што содржи се што му е потребно.

Предности на доењето:

- Доењето е најдобро за здравјето на вашето бебе.
- Доењето е добро за мајчиното здравје.
- Доењето е поекономично.
- Доењето ги поврзува новороденчето и мајката.

 

Доењето е најдобро за здравјето на вашето бебе

Децата кои се доени се многу повеќе заштитени и поотпорни на одредени болести. Тие деца поретко повраќаат и имаат помалку проблеми со варење на храната. Преку мајчиното млеко детето ги добива сите хранливи состојки кои му се потребни во првите шест месеци од животот.

Доењето е добро за здравјето на мајката

Мајките кои не дојат, често посилно крвават после породувањето, имаат поголема веројатност да добијат рак на јајници и рак на дојка.

 

Доењето е поекономично

Доењето е најевтиниот начин за исхрана на бебето. Покрај тоа, храната ја имате секогаш спремна, топла и достапна за момент. Доењето е најсоодветно навечер, кога вашето бебе само ќе го стиснете кон себе и не морате да станувате и да подготвувате шишенце со млеко.

Доењето ги поврзува новороденчето и мајката

Помеѓу мајката која дои и нејзиното бебе постои посебна врска.