Фото:Canva/Физичката активност не само што ја одржува формата, туку и ја подобрува репродуктивната функција.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Клучот не е во интензитетот, туку во поддршката на хормоналната рамнотежа и циркулацијата.

Зошто вежбањето помага при забременување?

• Вежбањето ја подобрува циркулацијата во карличната регија.
• Помага во регулирање на хормоните.
• Го намалува кортизолот, стрес хормонот.
• Вежбањето помага во одржување здрава телесна тежина.
• Вежбањето ја подобрува чувствителноста на инсулин што важно кај ПЦОС.

Најдобри вежби за поддршка на фертилитетот

1. Брзо одење. Динамиката од 20 до 30 минути, 4 до 5 пати неделно го стимулира срцето без да го преоптоварува телото и е идеално за одржување на хормонална рамнотежа.

2. Јога за плодност. Особено корисни пози се: пеперутка (Baddha Konasana), мачка–крава, детска поза и нозе на ѕид. Јогата ја подобрува циркулацијата во матката, го намалува стресот и помага при нерегуларен циклус.

3. Лесен тренинг за сила, 2 до 3 пати неделно, со сопствена тежина преку: чучњеви, wall push-ups, глутеус мост и употреба на лесни тегови за рацете го поддржува метаболизмот и хормоналната стабилност.

4. Пливање. Целосен тренинг без оптоварување ја релаксира мускулатурата и нервниот систем. Одлично е за жени со болки или ПЦОС.

5. Истегнување и дишење. 5 до 10 минути дневно длабоко дијафрагмално дишење и истегнување на карлица и долен грб помагаат телото да премине од „стрес режим“ во „подготвеност за зачнување“.

Што да се избегнува додека се обидувате да забремените

-          екстремни кардио тренинзи,

-          HIIT секојдневно,

-          премногу напор без доволно одмор,

-          тренинг што предизвикува исцрпеност или губење циклус.

Прекумерното вежбање може да го зголеми кортизолот и да ја наруши овулацијата.

Колку често е доволно?

Доволни се 150 минути умерена активност неделно, 2 дена лесен тренинг за сила и секојдневно кратко истегнување.

Важни совети

• Ако имате хормонални нарушувања, ПЦОС или проблеми со овулација консултирајте се со лекар.
• Слушајте го телото, не се водете само по апликациите за вежбање.
• Одморот е исто толку важен колку и движењето.

Кога станува збор за забременување, повеќе не значи подобро. Лесното, паметно движење го подготвува телото, ја поддржува овулацијата и создава средина во која полесно доаѓа до бременост.