/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Тимот на Рингераја ќе ги покани градинките и семејствата корисници на интернет медиумот да се вклучат во хуманитарната акција Прегратка на Дар и да ни помогнат да им подариме топли прегратки на децата кои празничните денови ќе ги поминат во болница. И сигурно се прашувате како ќе ги прегрнеме сите болни дечиња? За таа цел ќе имаме посебна задача. Децата со помош на нивните воспитувачки и родители ќе ги замолиме рачно да  изработат играчки, играчки изработени од срце, а не купени во продавница. Но, тие играчки нема да бидат обични, напротив тоа ќе бидат вистински пријатели, кои ќе им прават друштво на децата во болница. Играчки – прегратки, кои децата ќе можат да ги прегрнат и во нивна прегратка да се чувствуваат сигурни, како во топлите прегратки на нивните родители.

Сигурни сме дека нашите деца во акцијата ќе ни докажат дека се прекрасни млади луѓе, кои несебично и без размислување ја користат својата позитивна енергија и идеи и добродушно и со целото срце помагаат на оние на кои им е потребно малку сонце да им го разубави денот. Сигурни сме дека нашите деца ќе бидат пример за нас возрасните, да најдеме време и желба да предизивкаме среќни искри во срцата и очите на другите луѓе.

Проектот Прегратка на Дар има две главни цели, а тоа се:

• Здравите дечиња да научат да бидат солидарни, да научат да помагаат, да разберат колку е важно пријателството и посветувањето внимание на болните лица, сочувството со оние на кои им е потребна поддршка, да научат да ги почитуваат потребите на другите. На овој начин децата ќе израснат во искрени и храбри луѓе, одговорни граѓани, кои ќе донесуваат добри одлуки, ќе имаат високо ниво на самопочит и почит спрема околината и ќе ги спознаваат вистинските вредности на животот. Овие мали рачиња кои сега ќе направат мали играчки за своите другарчиња, кога ќе станат возрасни и кога ќе имаат одговорни функции  и поголеми можности, ќе можат да направат големи и добри работи за своите сограѓани и за доброто на целото општество. Иднината останува на децата, но затоа, одговорноста на возрасните е уште од најмала возраст да ги насочат во вистинска насока, за еден ден овој свет да стане подобро место за живеење.

• Развеселување на дечињата кои празничните денови ќе ги поминат во болница. Со добивање на играчка изработена од други дечиња, ќе им ја вратиме насмевката на лицата на болните дечиња и ќе им подариме другарче кое ќе им прави друштво во болничката соба, ќе им дава сила да ја преболат болеста и другарче кое ќе може да го гушкаат додека заспиваат. Дечињата знаат да се радуваат на секоја мала работа, а особено на работи кои се невообичаени и нови за нив. Играчките изработени со вложен искрен труд од други детски рачиња, ќе бидат вистински подароци подарени од срце и изработени со љубов, кои ќе имаат единствена мисија да донесат тон здравје за болните деца.