Фото:Canva/Движењето го подобрува крвотокот, го намалува стресот, ги олеснува симптомите и го подготвува вашето тело за породување поприродно, побезбедно и со помалку болка.

/11 /11

Напротив, умерената физичка активност е една од најдобрите работи што можете да ги направите и за себе и за вашето бебе. Се разбира, вежбањето во бременост не значи интензивни тренинзи или огромен физички напор, туку контролирано, безбедно и прилагодено движење или физичка активност кое го поддржува телото низ сите промени.

Во продолжение, зошто редовната физичка активност е толку важна.

1. Вежбањето помага во контролирање на телесната тежина

За време на бременоста природно се добива на тежина, но прекумерното зголемување може да предизвика гестациски дијабетес, хипертензија и компликации при породувањето.
Умерените тренинзи помагаат: да се одржи здрав енергетски баланс, да се намали ризикот од прекумерно дебелеење, да се подобри метаболизмот.

2. Вежбањето го намалува ризикот од болки во грбот

Како што расте матката, телесната тежина се поместува напред, а кичмата дополнително се оптоварува.
Вежбањето: ги зајакнува мускулите на грбот и карлицата, го подобрува држењето на телото, го намалува притисокот врз лумбалниот дел.

Затоа еден од најчестите бенефити на вежбањето за време на бременоста е токму олеснување на болката во грбот.

3. Вежбањето го подобрува расположението и ја намалува анксиозноста

Хормоните во бременоста се менуваат брзо, што може да предизвика осцилации во расположението.
Физичката активност: го зголемува лачењето на ендорфини т.е „хормони на среќата“, го намалува стресот и тензијата, создава чувство на леснотија и ментален баланс.

Жените кои редовно се движат често се чувствуваат емоционално постабилни.

4. Вежбањето ја подобра циркулацијата и го намалува ризикот од отоци

Во бременоста волуменот на крвта расте, па движењето станува клучно за добра циркулација.

Вежбањето помага да се намали: задржувањето течности, појавата на отоци во нозете и стапалата, ризикот од проширени вени.

5. Вежбањето ја зголемува енергијата и издржливоста

Парадоксално, но точно е, колку повеќе се движите, толку повеќе енергија имате.
Редовната активност: го намалува чувството на замор, ја подобрува способноста на телото да се справи со дневните промени, го подготвува телото за породување.

6. Вежбањето дава подобра контрола на дишењето

Доброто дишење е клучно и во текот на бременоста и при породувањето.
Вежбите кои го активираат дијафрагмалното дишење помагаат: да се смири нервниот систем, да се подигне кислородната сатурација, да се овозможи подобар проток на кислород кон бебето.

7. Вежбањето овозможува полесно и побрзо породување

Редовните, умерени тренинзи ја подобруваат издржливоста на мускулите кои се вклучени при породување.
Тоа може да помогне: во побрзо отворање, подобра контрола на контракциите, полесно „туркање“, побрзо опоравување по породување.

Многу жени што биле физички активни имаат пократки и полесни породувања.

8. Побрзо опоравување по раѓањето

Силни мускули на карличниот под, здрави зглобови и добра кондиција значат дека телото побрзо се враќа во нормала.
Активните трудници: побрзо се опоравуваат, имаат помал ризик од постпартална депресија, се чувствуваат физички посилни после породувањето.

Какви вежби се препорачуваат?

• Брзо одење
• Пливање
• Јога за трудници
• Пилатес за трудници
• Вежби за карличен под (Кегелови)
• Лесни вежби за сила со мала тежина

Вежбањето во бременоста е поддршка која му дава сила на телото, стабилност на умот и подобар развој на бебето. Се разбира, секоја активност треба да биде прилагодена на вашето здравје и да се одвива со препорака од гинеколог.