/11 /11

Mногу e важно во овој период правилно да го храните Вашето дете.

Што да му сервирате?

Свежо овошје и зеленчук

Зимата е сезона во која е значително долго отсуството на свежо локално овошје, кое е главен извор на витамин Ц, фолна киселина, каротин и некои минерални соли (главно калиум). Сепак пазарот нуди изобилство од увозно овошје и зеленчук. Се разбира дека превозот, нивното неправилно складирање доведуваат до загуба на вредните хранливи материи (особено витаминот Ц). Друг недостаток е што не ги поседуваат вообичаениот вкус и арома, заради вештачкиот начин на кој се одгледуваат. Заради тоа, од особена важност е да ги миете со топла вода пред употреба.

Овошје

Портокали и мандарини – тоа е нашето зимско овошје. Во земјите каде ова овошје се одгледува, сезоната на зреење настапува во пресрет на нашите новогодишни празници. Затоа се најскапи во овој период (во лето се обично од минатата сезона и не вреди да се купуваат). Меѓу најголемите заслуги на цитрусното овошје се вбројува и присуството на биофлавоноидот – инозит, кој делува поволно на нервниот систем и ја подобрува работата на желудникот.  Свежо цедените сокови од цитрусни овошја се корисни доколку се консумираат по најмногу 10-15 минути по нивната подготовка, бидејќи Витаминот Ц многу брзо се распаѓа.

Голем недостаток на цитрусните овошја е тоа што се големи алергени, па се исклучуваат од употреба кај алергичните деца.

Банани – тие исто така го зацврстија своето место во детската исхрана и тоа преку целата година. И покрај тоа што не содржат витамин Ц како цитрусните овошја, сепак содржат каротин и калиум. Не се препорачуваат кај деца со прекумерна тежина.

Урми – тие се извор на Витамин Ц, но се премногу слатки и не се препорачуваат кај деца со прекумерна тежина. Внимателно треба да се пристапи и кај деца склони на алергија.

Зеленчук

Се разбира, најпопуларниот зеленчук во зимскиот период е компирот, кој исто така е извор на Витамин Ц. Иако не е лидер во зеленчуците кои го содржат овој витамин, сепак на организмот му ги задоволува потребите од аскорбинска киселина и содржи многу калиум.

Зелка – извор на витамин Ц, биофлавоноиди и големо количество на целулоза. Киселата зелка е рекордер во присуството на витамин Ц. Таа може да се дава на дете кое навршило 3 години, во вид на салата.  Сепак, треба да се земе во предвид дека киселата зелка содржи материи кои може да бидат алергени за некои деца, бидејќи во процесот на ферментација се појавуваат габични алергени.

Морков – содржи големо количество на каротин и целулоза. Каротинот се апсорбира подобро при термичка обработка, отколку сиров.

Кромид и лук – во зимската сезона овие зеленчуци имаат најголемо значење за здравјето на децата. Благодарение на антибактериските својства, тие се незаменливи во периодот на пораст на болестите. Нивното консумирање е дозволено по првата година од животот на бебето. Лукот и кромидот може да се додаваат во подготовката на супи и готвени јадења. Количеството треба да биде минимално, за да не се чувствува вкусот во храната. Овие принципи треба да се почитуваат се додека детето не наполни три години, а потоа може да се даваат и во сирова состојба во салата или во оброкот...