Маж

/11 /11

Важно е да се разбере дека овие психолошки и физички промени не значат автоматски пад на здравјето, туку знак дека треба поинтензивно да се грижат и да внимаваат на здравјето и состојбата на телото и умот.

Кои се најчестите предизвици за мажите по 40-тата година?

• Намален метаболизам. Телото троши помалку калории, па е лесно да се добие повеќе тежина.
• Промени во хормоните. Тестостеронот постепено се намалува, што влијае на мускулната маса, енергијата и расположението.
• Проблеми со срцето. Ризикот од кардиоваскуларни заболувања расте, особено ако имате лоши навики.
• Промени во спиењето. Многумина се соочуваат со потешкотии во заспивањето и квалитетот на сонот.
• Психолошки стрес. Балансирање на работа, семејство и лични потреби може да биде предизвик кој предизвикува стрес.

Како да се грижите за здравјето по 40-тата година?

1. Здравата исхрана е клучна. Внесувајте повеќе зеленчук, овошје, цели зрна и здрави масти. Ограничете го внесот на преработена храна, сол и шеќери.
2. Редовна физичка активност за подобра функција на телото. Комбинирајте кардио вежби со тренинг за сила за да го одржите метаболизмот и мускулната маса.
3. Следете ги редовните прегледи. Крвен притисок, холестерол, ниво на шеќер во крвта и тестостерон треба да се контролираат редовно.
4. Спиењето не смее да се занемари. Стремете се кон 7-8 часа квалитетен сон дневно.
5. Управување со стресот. Практикувајте техники за релаксација како медитација, јога или длабоко дишење, алатки кои може многу да ви помогнат при зголемен стрес.
6. Одржување ментално здравје. Одвојувајте време за своето хоби или ако досега сте го намале најдете, повеќе дружење и активности кои ве исполнуваат.

Здравјето по 40-тата зависи многу од изборите што ги правите денес и секој ден. Не чекајте да почувствувате проблеми, превенцијата е најдобрата стратегија за долг и квалитетен живот.