/11 /11

Овошните јогурти спаѓаат во категоријата производи од ферментирано млеко, што се постигнува со дејството на различни видови на бактерии, а во составот одат и шеќер, арома и  вештачки бои. Главните предности кои ги има се белковини, калциум и витамин Д, кои ги има и во останатите млечни производи. Меѓутоа, постои разлика меѓу обичните, пробиотички и овошни јогурти. Овошните јогурти и не го заслужуваат името овошни, со оглед на тоа што содржат многу мала количина на овошје, а многу вештачки бои и ароми.

Овошниот јогурт се прави така што на млеко со намалена количина на млечни масти му се додава шеќер во различни облици во текот на производството. Токму заради шеќерот и аромите, индустриски произведениот овошен јогурт не го сакаме многу често на нашето мени!

Наместо него Ви предлагаме комбинација од обичен или пробиотички јогурт, во кој ќе ставиме парчиња свежо или суво овошје. Освен овошје можеме да додадеме и други семиња и ореви. На овој начин ќе добиеме едноставен, здрав и хранлив меѓуоброк.