/11 /11

АТЛАНТА – Научниците вчера јавија дека за прв пат успеале да излекуваат бебе инфицирано со ХИВ, предизвикувачот на СИДА.

Тие истакнуваат дека се работи за функционално, а не потполно излекување, што е важна разлика, бидејќи вирусот кај бебето не е комплетно искоренет, но е намален на толку мало ниво што организмот може да го контролира без потреба за стандардна терапија со лекови. Единствен пациент во светот кој потполно е излечен од СИДА е т.н. берлински пациент, американецот Тимоти Браун.

Девојчето кое е излечено од ХИВ не добило ништо инванзивно, ниту посложено од обичните антивирусни лекови. Разликата била во дозата  во времето: терапијата започнала по помалку од 30 часа по нејзиното раѓање. Таквиот вид на агресивно лечење довел до негова функционалност, истакнаа истражувачите на 20. годишна конференција за лечење на опортунистички инфекции во Атланта.

Вирусот ХИВ на бебето го пренесла мајката при породувањето, а нејзиното лечење со тераписки дози на антивируски лекови започнало пред стигнувањето на резултатите на ХИВ тестот, кој бил позитивен.

Вообичаена процедура е да се чекаат резултатите, а во меѓувреме да му се даваат мали дози антибиотици на бебињата. Во овој случај постапката била забрзана.

Извор: LosAngelesTimes