/11 /11

Пеколот бил еден длабок дол, што око чоечко не можело да го догледа и преку тој дол имало мост од влакно и секој човек што ќе умрел ќе поминел на влакното преку пеколот и, ако е грешен чоекот, штом се качи на влакното и киниса по него да оди ќе се скини и ќе падни чоекот внатре во пеколот. Ако е праведен човекот едно ќе се качи на влакното за да врви и веднаш ќе му се стори еден широк мост и трчаница ќе си помини и во рај ќе си влези.

Земјата стоела на две греди, а пак гредите стоеле на два вола, кога ќе го затресел некој вол увото, ќе се затресела и Земјата.

На воловите секоја година влакното му се менувало и се подновувала кожата и никогаш не умирале.