Фото:Canva/Ниту вие, ниту вашиот партнер не сте биле родители до вчера. Нормално е да грешите, да се учите, да се нервирате и да растете заедно.

/11 /11

Одеднаш, вниманието, времето и енергијата се преполовуваат, а одговорностите се удвојуваат. Лесно е партнерите да „се изгубат“ еден со друг во хаосот на пелени, неспиени ноќи и секојдневни грижи. Но, вистината е дека силното партнерство не се случува само од себе туку се гради свесно и со посветеност.

Еве 5 работи што можете да ги направите денес, без одложување, за да останете тим и по доаѓањето на децата.

1. Направете 10 минутен брз разговор за денот без телефони

Партнерството пропаѓа во тишината, а не во кавгите. Договорете 10 минути навечер за да си кажете:

• што ви беше најтешко денес
• што ви беше најубаво
• што ви е потребно утре од другиот.

Овие кратки, но искрени моменти го држат тимот функционален и ја создаваат потребната блискост.

2. Договорете една мини задача што ќе ја преземе секој од вас

Кога доаѓаат децата, улогите стануваат нејасни. Секој мисли дека прави „повеќе“, а другиот „помалку“. За да го избегнете ова, денес направете едноставна поделба:

• едниот се грижи за капење
• другиот за спремање на облеката
• едниот подготвува вечера
• другиот средува по вечерата

Малата јасност кој што треба да прави носи голем мир.

3. Договорете „мини состаноци“ како пар барем 15 минути неделно

Ова е важен тимска активност. За 15 минути можете да:

• прегледате што ве мачи
• испланирате што претстои
• си кажете што ви недостасува како пар.

Доволно е кратко за да биде остварливо, а доволно моќно за да го зајакне партнерството.

4. Направете мал гест на благодарност денес

Во хаосот со децата, најчесто партнерите го забораваат наједноставното да се ценат и почитуваат.
Направете нешто мало, но конкретно:

• оставете кратка порака: „Фала што синоќа го легна малото.“
• направете му/? кафе без да праша
• прегрнете го/ја 5 секунди подолго

Овие ситни гестови ја потсетуваат врската дека сè започнало од љубов, а не од обврски.

5. Договорете и двајцата 20 минути „само за себе“

Партнерските конфликти често не се резултат на непријателство, туку на исцрпеност.
Договорете се денес:

• едниот има 20 минути за одење надвор или бања
• другиот има свои 20 минути подоцна

Кога двајцата ќе имате простор да дишете, станувате подобар тим и за детето, но и едни за други.

Децата доаѓаат со љубов и хаос, но токму тој хаос може да ве зближи доколку свесно одлучите да останете тим. Не се потребни големи романтични гестови доволни се мали, конзистентни чекори што секој ден ја потсетуваат врската дека сте заедно во ова родителство.