/11 /11

На најмалите најзабавни им се удирачките музички инструменти (барабан, дајре, тарамбука, тапан...)

Еве како да направите необична дождовна тропалка.

Потребен материјал

- подолг картонски цилиндар (од хартија за бришење раце)

- два картонски цилиндра (од тоалетна хартија)

- ножички

- четка

- картон

- лепило

- боја

- ориз и леќа

1. Украси го подолгиот картонски цилиндар со шари во боја

2. Помалите картонски цилиндри пресечи ги од едната страна. Потоа исечи јазичиња со различна должина и свиткај ги навнатре.

3. Вовлечи ги двата помали цилиндра во поголемиот картонски цилиндар.

4. Со помош на големиот цилиндар на картонот нацртај два круга кои ќе ти послужат како капаци.

5. На едниот крај од големиот цилиндар залепи го едниот капак. Причекај неколку минути да се исуши лепилото.

6. Во цилиндарот истури ги оризот и леќата. Потоа затвори го вториот капак.

Твојата дождовна тропалка е готова - кога ќе ја превртиш се добива впечаток дека врне дожд.