Anonimen во 13:33
на тема Ниска Плацена
Моментот кој го очекувате цели девет месеци, а едвај чекате да помине. Моментот за кој живеете и мечтаете цел живот, а кога ќе дојде - умирате од страв. Единствениот момент во кој сите болки, солзи, стравови и трепети ви ја носат најголемата среќа во животот.
ВАШИОТ момент на породување!
Детали
Ник: Kikitina
Датум на породување: 03.07.2011 година
Тип на породување: царски рез
Болница:
Еве скоро после осум месеци седнав да го опишам моментот во кој на свет дојде мојата душичка Јована.
Бременоста ми помина уредно, без некои потешкотии до 33 та недела, кога на ехо ми кажаа дека имам лакуни на постелката. Немав појма што значи тоа, а ми рекоа да испитам фактори на хемостаза и Д- Димери на трансфузиологија. Излезе дека Д-Димерите ми се покачени на 3880, па почнав да примам Клексан наутро и навечер секој ден, цел месец. Докторката рече дека мора да ги примам, за да се заштитиме јас и бебето. Арно ама, јас 38 недела, а Д- Димерите не се спуштаат под 2400. Престанавме со Клексанот, докторката рече би требало се да е во ред. Терминот ми беше на 11 јули.
Во сабота наутро, на 2 јули се разбудив со многу јака болка во грбот, како да бев приклучена на струја. Траеше околу 5 мин, но не се повтори повеќе. Имав некое мајчинско претчувство дека дојде моментот. Цел ден имав подготвителни болки, не можев да јадам, место не ме држеше. Во 18 часот отидовме во ГАК. На ЦТГ регистрираше болки, ама не бев ни еден прст отворена. Ме задржаа до 21 часот и ни рекоа да си одиме бидејќи живееме блиску. Кога отидов дома, почнав по малку да крварам, си викам почна процесот, ама уште е рано. Се обидов да отспијам, ама цела ноќ имав болки, кои не беа премногу јаки. Времето беше ужас, иако цела недела пекол топло, сега истураше дожд како од котел. Во 7 сабајлето при вршење на нужда ми прсна водењакот, но течеше премногу крв. Јас дека со прво дете не знаев дали е тоа нормално или не. Се ми беше спремно, ја зедовме торбицата со маж ми и се упативме во ГАК. Среќа што беше недела, па немаше сообраќај, стигнавме за 5 мин. Кога ме примија во амбуланта, веднаш направија ЦТГ, беше уредно. Јас многу крварев, па се собраа еден куп доктори, сестри и една почна да вика, луѓе што чекате, абрупција е ова!„ Јас цела во прашалници, што ли е пак сега тоа. Набрзина ме соблекоа, ми дадоа ноќница, ме качија на количка и право во сала. Јас од страв се избезумив, само викав што ми е , немој на детето нешто да му биде. Докторката рече не се плаши, два прста си отворена, ти се одвоила плацентата мора итен царски да направиме.
За помалку од минута ме качија на бокс, ми ставија катетер и потоа ништо не знам, сум заспала. Кога ги отворив очите како избезумена викав - Кај ми е детето, живо ли е??? Сестрата ми рече, честитки имаш ќерка 3300 грама тешка. Ми падна камен од срце. Јас многу искрварив, па трансфузија, па антибиотици, Јована се напила од крвта во плодовата вода, па мораше да биде под надзор , ја видов дури во 22 часот. Никогаш нема да го заборавам тој момент кога ми ја донесоа и ме погледна со сините очиња. Се расплакав од среќа. Фала му на Бога се излезе на добро, еве сме сега 7,5 месеци, живи и здрави, секој ден се гушкаме, бакнуваме и му се радуваме на животот кој Господ беше толку милозлив да ни го подари и на двете.
Рингераја и посакува среќно детство на Јована !
Сакате да ни ја испратите вашата приказна од породувањето?
Прочитајте како во статијата Породилни приказни.
pumpici za izmolzuvanje
Автор: fetusce
pumpici za izmolzuvanje elektricna Lun
moite najmili
Автор: selvi
Продвижение групп ВК
Автор: prodvijenieVK
Привет! Занимаюсь раскруткой групп ВК!!
Онлайн вакансии
Автор: onlinerabota
Бизнес на дому! Проводите время в сети
moite najmili
Автор: jovanja
забава Бремените
Автор: bobik
Највисоко ниво на хигиена за вашето семејство и дом
Пролетта редовно ја дочекуваме со планови, меѓу другото, за генерално ...
Кејт Мидлтон објави дека има канцер
Принцезата од Велс (42) храбро објави дека се бори со болеста и оди на...
Детскиот хирург Симеонов доби син
Трето, па машко. Добредојде Миха. Ти ќе бидеш нашиот херој, напиша поз...
Кој стои зад успешноста на Shea Homemade?
Зад успешноста на Shea Homemade стоиме јас, мојата сестра и мојата мај...
Природен избор за мирен сон на вашите малечки
Нема ништо поскапоцено од мирен сон за нашите најмaли, кој е основа за...
Што да дознаете.
пеперутка16
Кога би носеле тројки, што би направиле?