Калориски дефицит

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Што е калориски дефицит?

Калориски дефицит се јавува кога вашето тело внесува помалку калории од она што му е потребно за да ги задоволи дневните енергетски потреби. Едноставно кажано, трошите повеќе отколку што внесувате.

На пример, ако на вашето тело му се потребни 2.000 калории за одржување на тежината, а вие внесувате 1.600, тогаш имате дефицит од 400 калории. Со тек на време, ова води до губење на масни наслаги.

Како функционира калорискиот дефицит?

Кога телото нема доволно енергија од храната, почнува да ги користи сопствените резерви, најчесто мастите, но и дел од мускулната маса ако дефицитот е преголем.

Процесот изгледа вака:

1. Внесувате на калории преку храна и пијалаци
2. Трошење на калориите преку основните метаболни процеси (одржување на витални функции), физичка активност, варење храна
3. Кога внесот е помал од трошокот, телото користи резерви за енергија

Колкав дефицит е здрав?

Безбедно и здраво слабеење е околу 0,5 кг неделно, што значи дефицит од 300–500 калории дневно.
Преголем дефицит, над 1.000 калории дневно може да доведе до умор, губење на мускули и хормонални проблеми.

Како да постигнете калориски дефицит без гладување?

-          Изберете хранливи намирници како: протеини, зеленчук, интегрални житарки

-          Пијте доволно вода бидејќи често жедта се меша со глад

-          Движете се, комбинирајте кардио и вежби за сила за подобар ефект

-          Следете го внесот на калории преку апликации за броење калории кои можат да помогнат.

Калорискиот дефицит не е магија, туку чиста математика, внесот на калории е помал од потрошените. Но важна е умереноста и балансот. Премногу строг дефицит може да биде штетен, па затоа изберете одржлив пристап кој ќе ви донесе резултати на долг рок.