Фото:Canva/Јазичниот развој започнува многу пред првиот изговорен збор преку слушање, повторување и интеракција.

/11 /11

Развојот на речникот не е само учење зборови. Тој е директно поврзан со развојот на мислењето, меморијата, вниманието и емоционалната интелигенција.

Зошто речникот е важен за мозокот?

Кога бебето слуша зборови се создаваат нови невронски врски, се зајакнува меморијата, се подобрува вниманието и се развива разбирањето на светот околу него.

Јазикот не е одвоен од размислувањето туку тој го гради размислувањето.

Колку повеќе бебето слуша зборови во топла и интерактивна комуникација, толку посилни стануваат овие мозочни врски.

Развој по фази

0-3 месеци: Слушање и препознавање

• Се врти кон познат глас.
• Се смирува кога го слуша родителот.
• Почнува да гуга.

Иако не зборува, бебето веќе ги учи звуците.

4-6 месеци: Истражување на звуци

• Почнува да брбори, „ба“, „ма“, „да“ и слично.
• Реагира на интонација.
• Го набљудува вашето лице додека зборувате.

Во оваа фаза ги вежба основите на говорот.

7-12 месеци: Разбира пред да зборува

• Го препознава своето име.
• Разбира едноставни зборови како „не“, „чао“ и слично.
• Користи гестови како покажување, мафтање и друго.

Разбирањето е секогаш поголемо од зборувањето.

12-18 месеци: Први зборови

• Кажува од еден до 20 различни зборови.
• Имитира звуци.
• Покажува предмети кога ги именувате.

Секој нов збор ја зајакнува способноста за паметење и категоризација.

18-24 месеци: „Експлозија“ на речникот

• Брзо зголемување на бројот на зборови.
• Комбинира два збора.
• Разбира едноставни инструкции.

Ова е период на големи когнитивни скокови.

Како да му помогнете на бебето?

Не ви се потребни скапи играчки. Најважна е комуникацијата.

1.    Зборувајте му постојано

Опишувајте што правите. Како на пример: „Сега ги облекуваме чорапчињата.“, „Водата е топла.“ Така бебето ги поврзува зборовите со предметите и ситуациите.

2.    Читајте му секој ден

Книгите воведуваат нови зборовиво речникот, ја развиваат концентрацијата и ја поттикнуваат фантазијата. Повторувањето ја зајакнува меморијата.

3.    Одговарајте на неговото брборење

Кога бебето ќе каже „ба“, вие одговорете: „Да, тоа е топка.“ Така учи како функционира разговорот.

4.    Користете гестови

Покажувањето, мафтањето и плескањето ја поддржуваат врската меѓу јазикот и мислењето.

5.    Пејте му песни

Песните го подобруваат чувството за ритам, меморијата и препознавањето на звуци. 

Што да избегнувате?

• Прекумерна употреба на екрани.
• Прегрубо корегирање на изговорот на одреден збор.
• размислувањето дека се сеуште мало .

Бебињата разбираат многу повеќе отколку што можат да кажат.

Јазикот е и емоција

Кога зборувате со бебето градите доверба и ја зајакнувате поврзаноста, а со тоа го поддржувате емоционалниот развој. Она бебе кое се чувствува безбедното и сакано полесно учи.

Секојдневните моменти како пресоблекување, прошетка, приказна пред спиење се можност да го развивате мозокот на вашето бебе, збор по збор.