Истегнување и кинење на мускул

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Но, многумина не знаат дали болката што ја чувствуваат е само истегнување или нешто посериозно како кинење на мускул. Разликувањето на овие две повреди е важно за да знаете како да постапите и колку време е потребно за опоравување.

Што е истегнување на мускул?

Истегнување настанува кога мускулот или тетивата се развлекуваат повеќе од нормално, но без целосно оштетување на влакната. Често се јавува по нагло движење, прекумерно оптоварување или недоволно загревање.

Симптоми на истегнување се: блага до умерена болка, чувство на затегнатост, лесно ограничено движење, мал или без оток, болката се намалува за неколку дена.

Што е кинење на мускул?

Кинењето значи оштетување на мускулните влакна од делумно до целосно распаѓање. Тоа е сериозна повреда која бара повеќе време и често медицинска интервенција.

Симптоми на кинење се: остра, нагла болка во моментот на повреда, видно намалена сила на мускулот, забележливо отекување или модринки, понекогаш се слуша „пук“ звук при кинењето, тешкотии или неможност за движење на погодениот дел.

Како да реагирате?

• Кај истегнувањето потребен е одмор, ставање мраз на местото, лесно истегнување по неколку дена и постепено враќање на активноста.
• Кај кинењето треба итно да се посети лекар. Можно е да е потребна имобилизација, физикална терапија или хируршка интервенција.

Ако болката е силна, има големо отекување или не можете да ја движите повредената област, не ризикувајте побарајте стручна помош веднаш.