/11 /11

Честопати изгледа полесно и поефтино да се фрли еден комплет на светилки и да се купи нов, наместо да се менуваат сијаличките кои прегореле.

Постојат подобри начини да го украсите Вашиот дом, канцеларија или дуќан. Следниот текст претставува подетален приказ на две енергетски ефикасни и практични можности. Новогодишни елки украсени со LED светилки и тие направени од оптички влакна се најновите производи на секогаш разновидниот пазар за новогодишно осветлување, и тие сега можат да се најдат и во продавниците.

Светилки со LED

Новогодишните светилки со светло емитувачки диоди (LED) се нова примена на една стара технологија. Овие светилки со LED имаат голем број на позитивни карактеристики во споредба со обичното осветление:

• Енергетска ефикасност: 0.04 вати по сијаличка; мини-сијаличките користат десет пати повеќе енергија и стандардните (C-7) светилки користат 100 пати повеќе енергија;

• Век на траење: До 100,000 часови, доколку се користат во затворен простор, половина од тоа време доколку се користат надвор; еден производител дури дава и 5 години гаранција;

• Безбедност: не постојат можности за прегорување поради тоа што сијаличките се со ниска температура;

• Издржливи сијалички: леќите со епоксин реално се неуништливи;

• Лесно се поставуваат: едно до друго можат да се поврзат до 25 комплети со светилки без да се преоптовари електричното коло во домаќинството;

• Замена на сијаличка: Доколку се случи некоја сијаличка да прегори, останатите светилки се уште светат, така што лесно може да ја идентификувате и да ја замените прегорената сијаличка.

Вештачки елки и украси со оптички влакна

Еден производ кој е се попопуларен кај потрошувачите е вештачка елка со оптички влакна, и тоа е всушност вградено во самото дрвце. Овие елки користат жаречка сијалица која работи со моќност од 5 до 20 вати, во зависност од големината на дрвцето. Светлоста се пренесува од една сијалица (така што кога ќе прегори треба да замените само една сијалица) преку стотици ситни влакна и се емитува низ сите гранчиња на дрвцето.

Повеќето елки се опремени и со ротирачко тркало во разни бои преку кое се менуваат боите кои се емитуваат од влакната.

Сијаличките со оптички влакна се ладни на допир, бидејќи единствената светлина се пренесува преку влакното, а не преку топлината.

Изворот на жаречка светлина е лоциран во основата на дрвцето која има дупчиња за вентилација кои не треба да се покриваат. Цената на таквите елки се движи помеѓу 20 долари за елка со висина од 60 – 90 сантиметри па се до преку 400 долари за големи елки. Оптичките влакна исто така се користат и во украси со форма на Дедо Мраз или кај тие со форма на ангели, ѕвезди или мали новогодишни елки.

Заклучок:

Покрај заштедата во трошоците за енергија, постојат и други причини за купување на светилки со LED. Прво се избегнува потребата да се заменуваат прегорените сијалички, се дава поддршка на една нова и ефикасна технологија, и се избегнува претрупувањето на депониите со пластика по завршувањето на празниците секоја година. Доколку сакате да купите вештачка елка, добро ќе направите доколку решите да купите елка со оптички влакна. Доколку размислувате за други можности за новогодишно украсување, секогаш имајте ги предвид трошоците за купувањето, но и трошоците за потрошената енергијата.