namesp во 10:12
Готвач за бебе
Редакција Рингераја, 30.5.2012
Кашичка од тиквичка и морков со пченкарен гриз и пилешко месо
Количина за едно дете, за еден оброк
- 50 гр. тиквичка
- 30 гр. морков
- 2 лажици пченкарен гриз
- 50 гр. пилешко месо
- путер или маслиново масло
Пилешкото месо сварете го. Морковот исчистете го и изрендајте го. Тиквичката измијте ја, излупете ја , исчистете ја од семките и исечете ја на коцки. Кога пилешкото месо ќе биде до пола сварено додадете го морковот и тиквичката. Пред крај истурете го вишокот вода, додадете маснотија и додадете го гризот. Гответе уште десет минути. На крај иситнете го пилешкото месо, или се' комплетно изблендирајте.
Кашичка од блитва со компир и мисиркино месо
Количина за едно дете, за еден оброк
- 100 гр. блитва
- 40 гр. компири
- 50 гр. мисиркино месо
- 1 лажица оризови снегулки
- 1 лажица маслиново масло/путер
Блитвата исчистете ја и измијте ја. сварете го мисиркиното месо/ Компирот излупете го, измијте го, исечете го на коцки и сварете го. Кога ќе биде до пола сварен ставете ја блитвата. Исцедете го, испасирајте го, додајте на маснотија, оризови снегулки и сечено пилешко месо.
Кашичка од келераба, брокула и морков со пилешко месо
Количина за едно дете, за еден оброк
- 50 гр. келераба
- 30 гр. брокула
- 30 гр. морков
- 50 гр. бело пилешко месо
- 1 лажица оризови снегулки
- 1 лажица маслиново масло/путер
Ставете го пилешкото месо да се вари. Келерабата излупере ја, измијте ја и исечкајте ја на коцки. Ставете ја во истиот сад кога месото ќе биде до пола варено. Брокулата измијте ја и разделете ја на ситни цветчиња. Мокровот исчистете го, измијте го и изрендајте го па ставете го заедно со брокулата да се вари. Кога се' ќе биде варено, додадете оризови снегулки за да се згусне. Смесата изблендирајте ја доколку детето не може да ги јаде парчињата месо.
Ти се допаѓа статијата? Кликни “Like” и додај свој коментар:
Повраќањето или враќањето на млекото кај бебињата е чест појава, особено во првите месеци. Иако најчесто е сосема нормал...

Недоносени бебиња се сметаат оние кои се родени пред 37 недела. Поради поминат краток период во стомакот на мајката, им ...

Млитавост или хипотонија е намалување на тонусот на мускулите и кај бебињата се јавува релативно често, понекогаш во ком...

Бебешката насмевка – таа мила, искрена и топла експресија што ги топи срцата често изгледа како едноставен гест. Но зад ...
