Фото:Canva/Потсетување дека грижата за себе не е луксуз, туку потреба.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

И со само 10 минути дневно, родителите можат значително да го подобрат своето здравје, енергија и расположение. Кратките, но редовни тренинзи се ефикасен начин да останете активни без да го нарушите семејниот ритам.

Зошто токму 10 минути?

Ова определено време за вежбање реално е изводливо, не бара посебна опрема, може да се направи и додека бебето спие. 10 минутното вежбање ја гради навиката и е подобро од изговорот „немам време воопшто“. Конзистентноста е поважна од должината.

Тренинг 1. За целото тело без скокање

Идеален за уморни родители или по породување со дозвола од лекар:

• 1 минута правете чучњеви
• 1 минута, потисоци од ѕид или маса
• 1 минута правете мост за глутеуси
• 1 минута одвојте за подигање на раце со сопствена тежина
• 1 минута правете лесни истегнувања.

Повторете го кругот двапати.

Тренинг 2. Кардио вежби без напор

За оние денови кога сакате да се раздвижите без да почувствувате исцрпеност потоа ви препорачуваме:

• марширање во место,
• движење на рацете нагоре-надолу,
• странични чекори,
• лесни ротации на телото лево десно.

Правете ги овие вежби во континуитет, без паузи со времетраење до 10 минути.

Тренинг 3. Вежби за грб и држење

Совршен за родители кои често го држат своето бебе:

• „мачка-крава“,
• повлекување на лопатките на грбот,
• истегнување на вратот и рамената,
• лесни ротации на ‘рбетот.

Овој тренинг ја намалува болката и напнатоста.

Тренинг 4. Јадро (core), нежно и безбедно

Посебно е корисно по бременост со практикување:

• дијафрагмално дишење,
• активирање на длабоките стомачни мускули,
• лесни нагиби на карлицата,
• странични истегнувања.

Фокус се става на контролата на движењата, а не на брзина.

Тренинг 5. Вежбање со децата

Кога немате друг избор вклучете ги:

• правете чучњеви со бебето во раце,
• „авионче“ со подигање,
• танцувајте со музика држејќи го бебето,
• правете вежби за истегнување заедно.

Движењето станува игра и пример подоцна за вашето дете.

Како да останете доследни?

Не чекајте да дојде идеалниот момент туку облечете удобна облека и почнете. 10 минути дневно ви се доволни, па дури иа ако пропуштите вежбање еден ден продолжете утре. 

Да бидете родител не значи да се откажете од себе и она што на вас ви е потребно.
10 минути движење дневно не се луксуз туку грижа за сопственото здравје.
Кога вие се чувствувате подобро и семејството е подобро.