Колку колачиња се доволни?
Добра, мешовита исхрана содржи месо, риба, јајце, сирење, млеко, свежо овошје и зеленчук. Каде е местото на колачињата? Сосема на дното на пирамидата на исхрана – дневната количина на шеќер не би смеела да биде поголема од 10% од дневната потреба за енергија. Шеќерот е штетен заради многу причини. Дел е од таканаречената неправилна исхрана, заради тоа што колачињата имаат голема калориска, а ниска хранлива вредност.

Детето може да стане дебело што ќе биде причина за исмевање од страна на врсниците, па последично и за емоционални проблеми.

Уште една причина е столицата. Децата кои консумираат поголема количина на колачиња, имаат проблеми со столицата, односно запек. Освен тоа шеќерот е штетен и за забите. Најлошо е детето стално да лиже шеќерчиња, или лижалчиња, затоа што на тој начин забите се постојано изложени на шеќер. Многу помалку е штетно ако веднаш по изеденото чоколадо детето ги измие забите.

Навикнете ги децата на природни слатки работи: суво овошје, овошни салати, а најголем пример притоа сте им Вие.

Млеко

Млекото е многу важно во исхраната, но некои деца едноставно не го сакаат. Можеби да бидеме поинвентивни и на тој начин да им го подобриме здравјето. Ако детето сака топло чоколадо, можеме да им го припремиме со млеко, наместо со вода. Можете да му подготвите и млечен пијалак со овошје: во блендер ставете пола банана, неколку јаготки, или друго овошје, додајте млеко и миксирајте. Извонреден извор на млеко е и тестенина со сирење. Родителите кажуваат дека во овие комбинации децата дури и не го чувствуваат млекото и храната на тој начин им е повкусна.

Моето малечко
Развојни фази
Спиење
Здравје и нега
Исхрана
Си играме
Добро е да се знае