Ритам на спиење
Доенчето спие околу 10 часа ноќе и потребни му се уште 2-3 пати спиење преку ден. Повеќето доенчиња се будат за ноќен оброк 1-2 пати, а некои спијат и по 6 часа континуирано. Во овој месец ќе забележите дека Вашето дете воспоставило свој ритам на спиење и будност (дневното спиење е во отприлика исто време, секој ден, навечер има свој час на заспивање и час на будење). Кога е многу активно во време кога би требало да спие, размислете дали можеби не е премногу уморно, затоа што неговата невообичаена активност може да биде последица на замор. Многу уморните деца често тешко заспиваат и понемирно спијат.

Иако повеќето доенчиња сеуште неможат самостојно да заспијат и се будат ноќе, првите месеци се многу важни за идните навики на заспивање и будење ноќе. За да научи доенчето самостојно да заспива во своето креветче, важно е да имате воспоставено вечерна рутина и во креветчето да го ставате кога е поспано, а не откако ќе заспие. Ако заспие во креветчето, а не во Ваша прегратка, доенчето ќе направи врската меѓу заспивањето и креветчето. Тоа ќе му помогне во следните месеци кога нема да му биде потребен ноќен оброк и тогаш ќе може да заспие без Вас, ако се разбуди во текот на ноќта.

Во првите четири месеци ритамот на спиење брзо се развива, па затоа е идеално време за воведување на самостојно заспивање. Но, секое дете не е исто, некои ја апсолвираат вечерната рутина и самостојното заспивање пред другите.

Моето доенче
Развојни фази
Доење и дохрана
Спиење
Здравје и нега
Мама и тато
Си играме