Доење
На доенче старо 3 месеци му се потребни 6-8 оброци дневно (во 24 часа) Повеќето доенчиња ноќе се будат за хранење, а некои спијат и по шест часа без прекин.

Потребата за храна на доенчето обично се зголемува кога ќе наполни три месеци. Тоа е сосема природен скок кој е дел од развојот и кој се манифестира како желба за почесто доење. Што се однесува до зачестеноста на доењето, односно временскиот интервал меѓу поединечните подои, најдобро е да се прилагодите на детето и да му ја понудите дојката секогаш кога плаче, или кога покажува други знаци на глад.

Повеќе за доењето може да прочитате во воведниот прв месец.

Хранење со шишенце

Ако доењето не е можно, или сте одлучиле дека не сакате да доите, замена за мајчиното млеко е фабрички преработено, адаптирано млеко за доенчиња (т.н. млечна мешавина, млечна формула, а адаптирано или вештачко млеко) Во четвртиот месец доенчето веќе има свој ритам на хранење и потребни му се околу 5-6 оброци дневно (приближно на секои 3 часа) Повеќето доенчиња се будат за ноќен оброк 1-2 пати, а некои спијат и по 6 часа континуирано. Што се однесува на количината на поединечниот оброк, потребно е да се придржувате на упатството на амбалажата. Треба да знаете дека доенчето не е секогаш подеднакво гладно, затоа немојте да го присилувате да ја испие целата количина на млеко која сте ја подготвиле, ако не сака.

Повеќе за хранењето и подригнувањето на доенчето можете да прочитате во воведниот прв месец.

Моето доенче
Развојни фази
Доење и дохрана
Спиење
Здравје и нега
Мама и тато
Си играме