Уживајте во дружбата со Вашето доенче и што повеќе време поминувајте во градината или во блискиот парк, ако не е премногу ладно или топло. Промената на околината позитивно ќе влијае на Вас и Вашето дете. Можеби ќе се одлучите за прошетка со количка, а доенчето може да го носите наоколу со кенгур. Ако го носите во раце брзо ќе се уморите, двете раце ќе ви бидат зафатени и ќе бидите помалку подвижни.

Истражете го светот

Доенчето весело ќе го истражува светот од ваша прегратка. Покажете му го станот, градината или блиската околина. Притоа објаснувајте му што гледате, покажете му ги одблиску интересните предмети кои ги откривате за време на прошетката и понудете му ги да ги допре.

Почнете заедно да разгледувате книга (најдобро детски сликовници, или списанија) можете да му читате или едноставно објаснете му што е насликано. Во детските продавници има голем избор на детски книги за оваа возраст , најинтересни се книги од ткаенина, или вештачки материјали (ПВЦ) кои би требало да бидат што пошарени и со едноставни сликички. Многу од нив на допир реагираат со музика. Никогаш нема да погрешите ако бебето го анимирате со музика, песнички или игра. Доенчето ќе ужива во Вашата претстава и во нежното нишкање по ритамот на музиката.

Моето доенче
Развојни фази
Доење и дохрана
Спиење
Здравје и нега
Мама и тато
Си играме