Вежбање и болка

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Болката не е знак на прогрес, туку предупредување дека нешто не е во ред. Разликувањето помеѓу нормален замор и вистинска болка е клучно за да се избегнат повреди и долгорочни последици.

Кога болката е нормална, а кога не?

По интензивен тренинг, често се јавува DOMS (Delayed Onset Muscle Soreness), чувство на затегнатост и лесна болка во мускулите 24 до 48 часа по вежбање. Ова е нормално и значи дека мускулите се адаптираат и се зајакнуваат.

Но, остра, силна или постојана болка за време на тренинг или веднаш по него е аларм кој не треба да се игнорира. Тоа може да укажува на: истегнување или кинење на мускул, повреда на зглоб или лигамент, притисок врз нерв, воспалителни процеси.

Што се случува ако ја игнорирате болката?

Продолжувањето со вежбање и покрај болката не ја зајакнува волјата, туку ја зголемува шансата за сериозни повреди. Долгорочно, ова може да доведе до: хронични болки, повторувачки повреди, намалена подвижност, подолг период на рехабилитација.

Со други зборови, ризикувате повеќе месеци без тренинг, што е спротивно на вашата цел.

Како да реагирате ако почувствувате болка?

1. Не продолжувајте да го правите движењето кое предизвикува болка.
2. Анализирајте дали болката е остра, дали се јавува само во одредена позиција, дали се шири.
3. Одморете го телото. Понекогаш се потребни 24-72 часа пауза за да се смири воспалението.
4. Применете студен или топол компрес. Ладниот помага во намалување на оток, топлиот ја релаксира мускулатурата.
5. Конултирајте се со стручно лице: Ако болката трае повеќе од два дена, посетете физиотерапевт или лекар.

Како да спречите појава на болка при вежбање?

• Подгответе ги мускулите и зглобовите со загревање пред секој тренинг.
• Погрешното изведување на вежбите е главен предизвикувач на повреди. Затоа следете ги техниките.
• Зголемувајте го интензитет постепено. Не се префрлувајте на тешки вежби без претходна адаптација.
• Слушајте го вашето тело. Заморот е нормален, но болката не.

Болката е сигнал, а не предизвик. Вашето тело зборува затоа слушајте го за да бидете силни, здрави и активни без непотребни ризици.