/11 /11

Студијата објавена во “Journal of the American Heart Association”  докажува дека авокадото е навистина одличен сојузник во борбата против зголемениот холестерол, пренесува Daily Telegraph.

Резултатите од големото истражување покажуваат дека умерено дебелите и дебелите луѓе, кои во својата исхрана често користат авокадо, имаат пониско ниво на лош холестерол, LDL  липопротеин. Освен тоа, кај овие испитаници кои биле под посебен режим на исхрана, со акцент на авокадо, забележано е и значително пониско ниво на триглицериди и заситени масти во крвта.

Имено, за разлика од повеќето овошја, авокадото содржи масти, но тоа се монозаситени масти кои се одлични за нашето срце.

Авторката на студијата, докторката Пени М. Крис-Едертон, наведува дека во секојдневната исхрана на американците, па и на европјаните, авокадото е најприсутно како главна состојка на гвакамолето. Се работи за мексикански сос, кој за жал најчесто се јаде со нездрава, брза храна.

Затоа авокадото се препорачува се повеќе како додаток на другите јадења, чиј плод може да биде згмечен и употребен како вкусен и свеж намаз. Кремастата текстура на плодот на авокадото оди во прилог на ова овошје, па може да се употреби за подготовка на бројни други јадења и предјадења, а не само за сосови.

Посебно се истакнува употребата на авокадото во свежите салати и паста и стои како извонреден контраст на парчињата месо.