Фото:Canva/Бременоста е поделена на три триместри и секој носи свои карактеристични промени, чувства и физички адаптации.

/11 /11

Овој текст е водич месец по месец за да знаете што е нормално и што да очекувате.

Прв триместар (1-3 месец) - почетокот на чудото

1. месец (1-4 недела)

• Доаѓа до оплодување и имплантација.
• Можно е да ги почувствувате и првите симптоми како: чувствителни гради, замор, лесна мачнина.
• Хормоните почнуваат брзо да се менуваат.

2. месец (5-8 недела)

• Срцето на бебето почнува да чука. Ова е голем момент дури и ако сè уште не го слушате.
• Чести се утринските мачнини, промените во расположението, зголемена потреба за спиење.
• Матката се зголемува, но стомакот сè уште не се забележува.

3. месец (9-12 недела)

• Бебето веќе има создадени минијатурни органи, прстиња и лице.
• Мачнините почнуваат да се намалуваат кај многу жени.
• Може да се појави зголемен апетит.
• Во овој месец ќе го направите и првиот важен преглед и крвни тестови.

Втор триместар (4-6 месец) - златниот период

4. месец (13-16 недела)

• Многу жени се чувствуваат најдобро во овој период. Имаат повеќе енергија и подобро расположение.
• Бебето почнува да се движи, но обично се уште не го чувствувате.
• Стомакот полека почнува да се заоблува.

5. месец (17-20 недела)

• Првите движења на бебето се чувствуваат како мали „пеперутки“, меурчиња или нежни удари.
• Расте апетитот, па важно е да внимавате на квалитетната исхрана.
• Можно е појава на пигментација на кожата како и потемнување на линијата на стомакот.

6. месец (21-24 недела)

• Бебето почнува да слуша звуци, вашиот глас, срцето, околина.
• Понекогаш се јавуваат грчеви и напнатост во нозете.
• Матката расте и почнува да врши притисок на органите, па можно е побрзо да се заморувате.

Трет триместар (7-9 месец) - финалниот стадиум

7. месец (25-28 недела)

• Движењата на бебето се посилни и почести.
• Можно е да имате повеќе отоци, болки во долниот дел на грбот и потешкотии при спиење.
• Во овој месец белите дробови на бебето интензивно созреваат.

8. месец (29-32 недела)

• Бебето добива на тежина, а матката достигнува висок степен.
• Поголем е заморот кај трудницата, краткото дишење, се зголемува киселината во желудникот.
• Честите посети во тоалет стануваат дел од секојдневието.

9. месец (33-40 недела)

• Бебето се мести со главата надолу кај повеќето жени.
• Се појавуваат почести контракции „Бракстон Хикс“ и телото се подготвува за породување.
• Емоциите се мешани од возбудa до страв и нетрпение.
• Време е да ја подготвите торбата за болница и планот за породување.

Секој триместар носи нови предизвици, но и нови радости. Бременоста е едно од најуникатните искуства во животот и иако телото поминува низ огромни промени, секоја недела го носи бебето чекор поблиску до вас.