/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Време е да ја наполнам санката со подароци, па треба секој да почне да се подготвува. Извадете ги најголемите шарени кутии, не заборавајте ги ѕвончињата како и чорапите покрај каминот.

Според списоците кои ми ги даде Снежана, сите деца биле послушни и добри, дури и повеќе од нивните родители, па заради тоа сите заслужуваат да добијат подароци. Кое дете не направило список со желби да побрза, бидејќи за само неколку дена ќе ги впрегнам елените и тргнувам!

Драга Снежана и вие седум џуџиња:

Знаете дека сите деца ме очекуваат, едни да влезам низ оџакот, други да ги оставам подароците во Божиќниот чорап, а трети да наредам се' под елката. Запомнете, не треба да ги разочарам децата, затоа треба да бидете до мене и да ми помагате. Морате да ги храните елените и да ја чистите санката. Не заборавајте да ги соберете сите Божиќни пити кои децата ми ги оставаат во знак на благодарност, морам да се хранам цела година со нив.

Драги дечиња:

Во празничната вечер сакам сите да бидете со измиени заби и чисти капи и шалчиња и да нема деца кои ќе спијат. Цела година сме работела за да може овој ден да биде магичен и не сакам во последен момент некој да ни го расипе празникот. Забранети се сите кавги, спорови и сплетки! И да научите повеќе Божиќни песнички, ако не знаете. Од вас очекувам да направите новогодишна атмосфера и расположение, запалете ги светлата и пуштете музика, бидете добри и дарувајте добрина.

Не заборавајте! Додека луѓето веруваат во добрина, очекуваат чуда и се великодушни еден кон друг, јас – Дедо Мраз, ќе постојам и ќе ве посетувам повторно и повторно секоја следна година. Ваша одговорност е да го пренесете кај малите деца духот на Нова Година, да ги подучувате да помагаат и да ги сакаат другите, за да може секоја следна година да повторуваме и повторуваме – на Нова Година чудата се случуваат.

Никогаш не заборавајте – чудата зависат од тебе и од мене.

А сега на работа – направете од оваа Новогодишна ноќ ѕвездена магија на љубовта. Нека нема ниту едно расплакано срце, ниту едно натажено дете, вдахнете им вера во чудата и надеж дека секогаш е време за сонување.

Ваш Дедо Мраз,