/11 /11

Со развеано цветно знаме мај не поздравува.

Еве за какви новости тој денес ни јавува:

Секое дрвце во шумата веќе се раззелени,

нови рожби добија птиците доселени.

Но и домородните, што се со нас секоја зима

и тие полни гнезда имаат.

Затоа сите се весели, радосни, распеани

и бачилата се полни со јагниња разблеани...

Видете ги овоштарниците колку се свечени

јаболките, крушите и сливите во нив,

во бели фустанчиња се облечени.

Рој пчелки и пеперутки везден ги надлетуваат,

од цвет на цвет слетуваат и опрашуваат.

само на црешите, овие најранките

со обетки црни и бели им се накитени гранките.

Врапчињата во јата ги посетуваат,

а потоа и разџагорени деца навалуваат.

И во полето се е зелено,

насекаде бујат посевите

како црвени знаменца се веат булките

сред младите жита и тревите.

На шарен цветен килим личат и ливадите.

Природата е вистински празник за очи

за старите и младите.