Фото:Canva/Но, многу родители се прашуваат: кога е вистинскиот момент да му понудам риба на моето бебе?

/11 /11

Кога може да се воведе лососот?

Педијатрите најчесто препорачуваат рибата, вклучувајќи го и лососот, да се воведе по навршени 6 месеци, кога започнува дохраната. Дотогаш, мајчиното млеко или адаптираната формула ги обезбедуваат сите потребни нутриенти.

Воведувањето на риба во исхраната после шестиот месец е безбедно ако бебето нема семејна историја на алергии на храна или особено на морска храна.

Зошто лососот е одличен избор?

Лососот е вистинска нутритивна бомба за најмладите:

• Содржи омега-3 масни киселини (ДХА и ЕПА) кои неопходни за развој на мозокот и нервниот систем
• Висококвалитетни протеини потребн за раст и формирање на мускули и ткива
• Витамин Д и калциум за здрави коски
• Селен и железо за имунитет и циркулација

Како правилно да се подготви?

Кога првпат му нудиш лосос на бебето, избери добро сварен или парен лосос, без кожа, коски, сол или зачини.

Неколку совети:

• Исечи го на ситни парчиња или испасирај го, за да се избегне гушење.
• Почни со мала количина (1-2 лажички) и набљудувај ја реакцијата.
• Ако бебето добро го прифати, можеш постепено да го комбинираш со зеленчук (на пример, компир, морков, тиквичка).

Алергии и претпазливост

Иако лососот ретко предизвикува алергии, сепак е важно да се внимава. По првото воведување, набљудувај дали се појавуваат симптоми како црвенило, осип, оток или повраќање. Ако се забележи нешто од тоа веднаш консултирај се со педијатар.

Колку често може да јаде бебето риба?

Откако ќе се воведе без проблем, рибата може да се нуди 1 до 2 пати неделно. Најдобро е да се менуваат видови како лосос, пастрмка, бела риба за да се внесат различни хранливи материи.

На што да внимаваш при изборот?

• Избегнувај риби со висок процент на жива како туна, меч-риба, скуша.
• Избирај свеж или замрзнат лосос од сигурен извор.
• Никогаш не давај суров или полусварен лосос (на пример, суши).

Лососот е една од највредните намирници што можеш да ја воведеш во исхраната на своето бебе. Ако го направиш тоа постепено, внимателно и во вистинско време, оваа риба ќе му помогне на твоето малечко да расте здраво, силно и со „паметен мозок“.