/11 /11

Ин-витро оплодување

Ин-витро оплодувањето може да биде ефективно лечење на сите видови стерилитет со исклучок на инфертилитет поврзан со анатомски проблеми на матката.

Овој метод се применува рутински кај двојки кои не можат да зачнат по природен пат, а кои имаат еден од долу-наведените показатели на неплодност:

• тешко оштетени јајоводи (или не постојат)
• суфертилно семе - неплодно семе
• ендометриоза
• имунолошка неплодност
• неуспешна AIH
• неразрешена неплодност - идиопатска
• комбинирани причини

IVF  методата има неколку етапи. 

• припрема и обработка на пациентите
• индукција на овулација
• контрола на растот на повеќе фоликули
• аспирација на зрелите јајце клетки
• припрема на зрелите јајце клетки и семето во лабораторија
• оплодување и контрола на зачетокот
• пренос на зачетокот ET
• контрола на функцијата и помош на жолтото тело

Контраиндикации се возраста на жената, HIV позитивни, болести кои ја контраиндицираат бременоста.

Шема на % на бременост кај различни возрасни категории

Интраутерина инсеминација

Интраутерината инсеминација со сперматозоиди од партнерот е потенцијално ефективно лечење на различни видови стерилитет, кога жената е под 45 години.

Кога не се практикува инсеминација?

При следните состојби

-          Запушени јајоводи

-          Тешко повредени јајоводи

-          Многу лош квалитет на јајцеклетките

-          Менопауза

-          Тешка форма на машки стерилитет

Интраутерината инсеминација најчесто се применува кај

-          Ендометриоза (лесен степен)

-          Неразјаснет стерилитет до 3 години

-          ановулаторен инфертилитет

-          лесни отстапувања во сперматогенезата

-          кај двојки со лесни имунолошки проблеми

Намалена успешност при инсеминација (намален процент на бременост) има кај

-          Жени над 40 години

-          Жени со лош квалитет на јајцеклетки

-          Влошени параметри на сперматогенеза кај партнерот

-          Жени со средна и остра форма на ендометриоза

-          Жени со оштетени маткини канали (без оглед на степенот)

-          Двојки со многу долг стерилитет (над три години)


Шема на успешност при интраутерина инсеминација со докажан машки фактор на стерилитет – отстапувања во сперматогенезата 

Повеќето бремености настапуваат меѓу 3 и 4 обид при сопружничка инсеминација. По четвртата инсеминација шансата за забременување се намалува, заради тоа се препорачуваат најмногу шест циклуси на инсеминација. Ако причината на инфертилитет е само изостанок на овулација (ановулација) тогаш може да се прават од 6-12 циклуси на инсеминација, ако не постојат други фактори на стерилитет (машки фактор, имунолошки фактор..)

Забелешка:

Сите материјали, публикации, коментари, теми и категории, како и целата содржина на Рингераја.мк, се од информативен карактер и истите НЕ можат да заменат консултација со лекар за дијагностика и лечење. За се што е поврзано со Вашето здравје, консултирајте се со својот матичен лекар.