/11 /11

Кога детето бара вода пред спиење, родителите најчесто мислат дека заборавило да пие во текот на денот и е навистина жедно. Изненадувањето доаѓа кога ќе му дадат чаша вода и детето ќе се напие само една голтка!

Земете длабоко воздух и смирете се, очигледно ова е само начин на кој детето се обидува да го привлече вашето внимание.

Имајте на ум дека децата не можат да планираат големи манипулации намерно. Затоа, не мислете дека тие намерно сакаат да ве провоцираат.

Заборавете на сите страшни можности кои поминале низ вашата глава. Многу родители мислат дека детето само се обидува да ги задржи покрај нив подолго време. Но ако помислите колку време е потребно за горенаведената голтка, оваа теорија брзо отпаѓа како можна.

Децата секогаш бараат вода во моментот кога се полузаспани, а вие како родител се олабавувате по долгиот и исцрпувачки ден. Не се лутете на детето за оваа акција, бидејќи вистинската причина за оваа толку типична ситуација е многу покомплексна отколку што изгледа.

Детето ве тестира за да биде сигурно дека нема да остане само ако му треба некоја помош во текот на ноќта поради некоја причина.

Детето знае дека ако ги повика мама или тато, тие веднаш ќе реагираат - ќе го смират и ќе го заштитат од секакво зло. Малите деца се особено зависни од нивните родители, а оваа зависност се интензивира уште повеќе во текот на ноќта кога темнината ги плаши.

Во овие ситуации, на децата, треба да им пријдете мирно, стрпливо и најважно со љубов и нежност. Тоа им е најпотребно  на децата во ова доба од ноќта. Жедта е само изговор, но неговата желба е всушност да се најде емотивна поддршка од неговите најблиски - неговите родители.

Не заборавајте да му ја покажете нежноста на вашето дете пред спиење - прегрнете го и бакнете го. Направете да се чувствува сигурно дека мама и тато секогаш ќе го чуваат и дека ќе бидат таму. Ова нема да трае вечно, па не ги лишувајте вашите деца од оваа драгоцена поддршка додека растат.