/11 /11

Вчера рано - рано, како што е редот

баба Јана на пазар го испрати дедо.

Му наброја што да купи,

ама список не му даде,

па од дома, до пазарот

се' изуми дедо Раде!

Да се врати, да препраша

ќе пукне голем срам...

Не сум дете, сам си рече

ќе одберам нешто сам...

И?

Наместо дренки - купи семки

Наместо киви - купи сливи

Наместо калинки - купи мандаринки

Наместо грашок - зеде прашок...

Ама не заборави во крчмата да влезе.

Си нарача чаша вино и ќебапчиња за мезе!

И се така редум, на ум што му дојде.

Дури доцна попладнето кон дома си појде.

Штом го виде баба Јана, за глава се фати:

- За ова ли, море дедо, на пазар те пратив?!

- Стој, причекај...дедото рече

И не викај де, не знам што ми стана...

Заборавив се!

- Штом е така, сево ова сам да си го јадеш!

- Добро, ама и ти другпат

написмено да ми дадеш!