Фото:Canva/Физичката активност во бременоста е корисна, но треба да се прилагоди на секоја фаза и на индивидуалната состојба.

/11 /11

Сепак, секој триместар носи различни потреби и ограничувања, па затоа е важно вежбањето да се прилагоди.

Прв триместар (0-13 недела)

Телото се прилагодува на хормоналните промени, па енергијата може да варира.

Дозволени се: лесно пешачење, јога за трудници, лесни вежби за истегнување и пливање доколку  нема контраиндикации.

Да се избегнуваат: интензивни тренинзи кои го зголемуваат пулсот, вежби со ризик од пад и вежби кои предизвикуваат прегревање на телото

Слушајте го телото,. Заморот е чест и нормален.

Втор триместар (14-27 недела)

Ова е најстабилниот период, кога многу жени се чувствуваат најдобро.

Дозволени се: умерени кардио активности како брзо одење, статичен велосипед и слично, вежби за јакнење со мала тежина, пилатес за трудници и вежби за карлично дно.

Да се избегнуваат: вежби лежечки на грб подолг период, скокови и нагли движења и контактни спортови

Одржувајте умерено темпо.

Трет триместар (28-40 недела)

Фокусот е на подготовка за породување и одржување на подвижноста.

Дозволени се: лесно пешачење, вежби за дишење, истегнување и релаксација и вежби со топка за трудници.

Да се избегнуваат: вежби што создаваат притисок на стомакот, долготрајно стоење и активности што предизвикуваат замор или нестабилност

Безбедноста е приоритет.

Кога да се прекине со вежбање?

Веднаш прекинете и консултирајте се со лекар ако имате:

• вртоглавица или несвестица,
• крварење,
• болка во градите или стомакот,
• контракции,
• отежнато дишење.

Општи препораки

• Консултирајте се со лекар пред започнување со било какви вежби и физички активности.
• Носете удобна облека и бидете доволно хидрирани.
• Избегнувајте прегревање на телото.
• Обратет внимание на редовноста на активностите и вежбањето наместо на интензитетот.

Вежбањето во бременоста е сојузник, не ризик кога се прави правилно. Прилагодувањето по триместри овозможува безбедна и ефективна активност.

Наместо да се стремите кон интензитет, фокусирајте се на движење, удобност и континуитет, затоа што активната бременост често води кон полесно закрепнување и подобро чувство по породувањето.