Вежбање

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Утринско вежбање – енергија за цел ден

Многумина ги прифаќаат утринските тренинзи. Будењето рано и започнување на денот со физичка активност може да има бројни придобивки:

• Го забрзува метаболизмот. Вашето тело ќе троши калории поефикасно во текот на денот.
• Ја зголемува концентрацијата и расположението благодарение на зголеменото лачење на ендорфини.
• Создава здравa рутина. Полесно е да го „завршите“ тренингот пред да започнат обврските.

Совет: ако не сте „утрински тип“, започнете со полесни тренинзи како јога, истегнување или брзо пешачење.

Тренинг на пладне – пауза за телото и умот

Вежбањето во текот на работната пауза станува сè попопуларно, особено кај оние со флексибилно работно време или работа од дома. Причините да го земете во предвид овој термин се:

• Температурата на телото е повисока, што значи поголема еластичност и намален ризик од повреди.
• Одличен начин да се "ресетирате" и ментално и физички меѓу обврските.
• Го подобрува фокусот за вториот дел од денот.

Совет: лесен ручек по тренингот и добра хидратација се клучни за да не чувствувате замор подоцна.

Вечерно вежбање – сила и издржливост на максимум

Ако ви недостига мотивација наутро, вечерта може да биде ваше време:

• Физичките перформанси обично се најдобри помеѓу 17 и 20 часот – силата, издржливоста и брзината се на врвот.
• Помага во намалување на дневниот стрес, особено ако работата е психички интензивна.
• Поголема слобода за подолги тренинзи без брзање.

Совет: избегнувајте интензивно вежбање доцна навечер (после 21 час), бидејќи може да влијае на квалитетот на спиењето.

Па, кој е вистинскиот избор?

Најдобро време за вежбање е времето што вам ви одговара. Научните студии покажуваат мали разлики во ефективноста во зависност од периодот на денот, но постојаноста е тоа што навистина прави разлика. Ако тренирате редовно, телото ќе се адаптира на тој ритам и ќе ги даде најдобрите резултати.

Слушајте го вашето тело, не часовникот

Утрински ентузијаст, попладневен балансиран или вечерен ѕвер изборот е ваш. Најважно е да го претворите вежбањето во навика, а не во уште една обврска. Бидејќи кога телото е активно и умот се освежува.