/11 /11

Овој голем и убав кловн може да се направи од ткаенина. Толку е убав што сите деца би сакале да имаат еден! Тогаш, да им направиме, бидејќи е супер лесно за правење, а вие исто така ќе уживате во текот на работата. Резултатот е одличен и кловнот претставува прекрасен начин за разубавување на собата во која лежи детето, за измамување на негова насмевка и нуди најтопла прегратка на свет.

Потребни материјали:

- цврста ткаенина во боја (чоја)

- бела помека ткаенина

- конец за везење

- рибарски конец или конец за заби

- игли за шиење и везење

- памук или молтотекс

Чекор по чекор:

Исечете парче ткаенина според шемата дадена во прилог. Поклопете го и сошијте го од едната страна.

Исечете го парчето ткаенина кое ќе претставува дел од вратот и сошијте го во форма на прстен.

Околу рабовите на прстенот провнете конец и потоа затегнете го.

Исечете кружно од белата ткаенина и врз неа навезете очи, нос и уста на кловнот.

Потоа провнете конец низ работ на ткаенината, затегнете го и наполнете го со памук или молтотекс. Врзете ги краевите од конецот и формирајте топче во форма на глава.

Повторете ја постапката и направете 4 помали топчиња (за раце и нозе)

Исечете кругови од обоената ткаенина. Исечете од конецот поголема должина и тоа два еднакви делови. Започнете со шиење на двата краеви од конецот на нозете на кловнот, а потоа низ конецот провнете ги круговите од ткаенина во боја до саканата должина на нозете на куклата

Составете ги двата краеви од конецот и низ него провнете ги парчињата ткаенина кои ќе претставуваат тело на куклата.

Потоа разделете ги двата краеви на конецот и на истиот начин направете раце на куклата. На крајот сошијте ги топчињата кои претставуваат раце на куклата.

На последното парче ткаенина од телото на куклата сошијте конец и низ него провнете го парчето кое претставува врат на куклата, потоа и главата.

Ставете ја капата на кловнот и навезете ги краевите со конецот за везење.

Кловнот е комплетен. Прекрасен е! Сигурни сме дека детето кое го држи во раце е пресреќно!

Извор: lasmanualidades