/11 /11

Хирурзите од болницата Сент Мери од Лондон, користеле робот вреден 960.000 евра, за да го поправат дефектот на крвните садови кај пациент кој можел да умре ако не ја извршеле операцијата.

Бери Мерчант е првиот пациент на светот врз кого е извршена ваква операција, а боледувал од анеуризам на абдоминалната аорта, која го слабеела ѕидот на главниот крвен сад, кој се протега од срцето до стомакот.

Поставувањето на метален стент со раце може да биде многу тешко и затоа докторите користеле робот кој го управувале со помош на џојстик, за да го поправат оштетениот дел од организмот.

"Се чувствувам одлично по операцијата. Бев малку нервозен кога слушнав дека ме избрале за операција која никогаш досега ја немаат изведено, но брзо ме уверија дека сум во одлични раце", рече Мерчант. Докторите веруваат дека овој систем ќе обезбеди третман на илјадници луѓе кои имаат сличен проблем.