/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Теодора Тодороска, на социјалните мрежи позната како @_dorss_single_mami_ е прекрасна самохрана мајка на 6 годишната Кристијана.

 
На својот инстаграм профил отворено зборува за предизвиците со кои секојдневно се соочува и преставува огромна инспирација. Родителството, иако е еден од најубавите благослови кои животот го дава, воедно е и најтешката улога, а да се биде самохран родител е преголем предизвик, но Теодора одлично се снаоѓа во својата улога и заслужено се гордее со нејзините достигнувања и со девојката во која расте нејзината прекрасна ќеркичка.

По втор пат годинава, Теодора организира еден прекрасен проект, наменет за дечињата на самохрани родители низ земјава.

"Проектот ми е именуван" Испрати честитка измами насмевка ".
Го реализирам втора година а оваа година додатно со честитката и со подароче за децата кај самохраните родители." - вели Теодора.

Идејата на Теодора дошла од сличен проект во кој се разменувале честитки меѓу дечиња, со тоа што таа својот го наменила за децата на самохрани родители.
"Така се создаваа и многу пријателства што при тоа си разменуваа честитки за благодарност" - додава таа.

"Оваа година има околу 45 пријавени од кои некаде се по 2 или 3 дечиња.
Многу сум среќна, имам милиони слики и пораки за благодарност а тоа ме прави среќна.
Да имам сопствени средства сама би го реализирала целосно.
Оваа година сум пријатно изненадена колку многу се пријавија да подарат,некои и по повеќе пакетчиња. Значи има с? уште човечност.
Многу им благодарам на сите поединечно " - додава за крај Теодора.

Задоволство е да се чита за вакви прекрасни акции. Честитки за успешниот проект, кој и во иднина ќе ја продолжи својата традиција и сигурно ќе прерасне и во нешто поголемо.

Заследете ја оваа мајка - херојка на инстаграм.

View this post on Instagram

A post shared by(@_dorss_single_mami_)