Фото:Canva/Повеќе од репродуктивна течност, спермата има својство, состав и улога што ретко ги знаеме.

/11 /11

Еве неколку проверени и интересни факти што откриваат колку е комплексен машкиот репродуктивен систем.

Сперматозоидите се создаваат постојано

Процесот на создавање сперматозоиди се нарекува сперматогенеза и трае приближно 70 до 90 дена. Тоа значи дека навиките кои ги имамте денес како исхрана, стрес, пушење и слично влијаат на квалитетот на спермата по околу три месеци.

Ејакулатот не е составен само од сперматозоиди

Само мал процент од течноста при ејакулација се вистински сперматозоиди. Поголемиот дел е семена течност која содржи: протеини, ензими, фруктоза која е извор на енергија и минерали.

Оваа течност им помага на сперматозоидите да преживеат и да се движат.

Бројката е импресивна

Во една ејакулација може да има од 15 до над 200 милиони сперматозоиди по милилитар. Сепак, само еден успева да ја оплоди јајце клетката.

Сперматозоидите се исклучително мали

Еден сперматозоид е долг околу 50-60 микрометри и се состои од:

• глава каде се наоѓа ДНК,
• средишен дел кој е енергетски центар,
• опашка која овозможува движење.

Нивната брзина е релативно голема во однос на нивната големина можат да „пливаат“ неколку милиметри во минута.

Температурата е клучна

Тестисите се наоѓаат надвор од телото затоа што создавањето сперматозоиди бара температура пониска од телесната. Честа изложеност на топлина при користење на сауни, жешки бањи, држење лаптоп во скут може привремено да го намали квалитетот на спермата.

Спермата може да преживее во женското тело неколку дена

Во поволни услови, сперматозоидите можат да преживеат до 5 дена во репродуктивниот тракт на жената. Ова е важно при планирање или избегнување на бременост.

Квалитетот варира

Квалитетот на спермата може да варира со: возраста, исхраната, хормоналниот баланс, стресот, како и пушењето и консумацијата на алкохол. Добрата вест е дека многу од овие фактори се променливи.

Спермата е показател за општото здравје

Истражувањата покажуваат дека лошите параметри на спермата понекогаш може да бидат поврзани со други здравствени состојби, како хормонални нарушувања или метаболни проблеми.

Спермата не е само средство за репродукција. Таа е сложен биолошки систем кој реагира на секојдневниот начин на живот. Грижата за општото здравје директно влијае и на репродуктивната способност.