/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

*        Однесувајте се лежерно, иако сте загрижени, бидејќи на тој начин и децата ќе се чувствуваат поспокојно. Покажете дека му верувате на лекарот. Секогаш е подобро само родителите да одат на лекар со децата, а бабите и дедовците да останат дома.

*        Еден од начините да го подготвите детето за средба со лекарот, е да облечете бел мантил. Покажете му на детето на кој начин ќе се одвива прегледот, како ќе му ги прегледуваат градите и грлото. На овој начин детето ќе знае што го очекува во ординацијата.

*        Избегнувајте реченици како: “Не плаши се”, “Инјекцијата не боли”, бидејќи можете да предизвикате спротивен ефект. Наместо тоа признајте дека чувството не е пријатно, но дека за брзо ќе биде готово. Повеќето деца се плашат да одат на лекар заради инјекциите, па објаснете им дека нема да ги примаат при секоја посета на лекар. Исто така, не им ветувајте дека сигурно нема да примаат инјекции, бидејќи ако тоа биде неопходно, повеќе нема да ви веруваат.

*        Кога ќе влезете во ординацијата, ставете го детето на столица, а вие застанете покрај него, за да се чувствува сигурно.

*        Носете ја омилената играчка и замолете го лекарот и неа да ја “прегледа” на кратко, за детето да знае што може да очекува.

*        По излегувањето од ординацијата бакнете го детето и пофалете го за храброста. Ако се чувствува добро однесете го во слаткарница, во парк или игротека...