Фото:Canva/Забременувањето не е натпревар и не следи строга формула. Информацијата носи мир, а мирот носи подобар баланс.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Еве кои се најчестите заблуди.

Мит 1: „Ќе забремените веднаш штом почнете да се обидувате“

И кај здрави парови може да поминат неколку месеци. Во просек, потребни се до 12 месеци редовни односи без заштита за да се смета дека е сè во нормални граници ако жената е под 35 години.

Мит 2: „Ако имате редовен циклус, сигурно овулирате“

Редовниот циклус не секогаш значи дека има овулација. Понекогаш може да има циклус без ослободување јајце клетка ановулаторен циклус.

Мит 3: „Само жената треба да се испита“

Неплодноста не е женски проблем. Во приближно половина од случаите, факторот е машки или комбиниран. Испитувањето треба да биде за двајцата партнери.

Мит 4: „Постојат специјални пози за побрзо забременување“

Нема научен доказ дека одредена поза значително ја зголемува шансата. Најважно е односите да се случуваат во плодните денови.

Мит 5: „Треба да лежите со кренати нозе после однос“

Нема потреба од специфична положба по односот. Сперматозоидите почнуваат да се движат веднаш.

Мит 6: „Стресот е единствената причина зошто не забременувате“

Стресот може да влијае, но ретко е единствен фактор. Често причините се медицински, хормонални или поврзани со квалитетот на сперматозоидите.

Мит 7: „Ако веќе имате едно дете, нема да имате проблем повторно да забремените“

Секундарна неплодност е реална појава. Фертилноста може да се промени со тек на време.

Мит 8: „Возрастa не е важна ако сте здрави“

Фертилноста природно опаѓа со возраста, особено по 35 години. Бројот и квалитетот на јајце клетките се намалуваат со текот на времето.

Мит 9: „Престанете да мислите на тоа и ќе се случи“

Овој совет често звучи како утеха, но може да биде болен за паровите што се соочуваат со вистински медицински предизвик.

Мит 10: „Природните препарати секогаш помагаат“

Не постои магичен чај или додаток што гарантира бременост. Некои суплементи можат да помогнат, но само ако постои конкретен недостаток.

Што е вистина?

-        Редовни односи во плодните денови ја зголемуваат шансата.

-        Здравата телесна тежина игра голема улога.

-        Престанување со пушење и намалување консумација на алкохол е препорачливо.

-        Рана консултација со лекар носи ја одговори и понатамошен план.

Митовите за забременување создаваат дополнителен притисок во период кој и онака е емотивен. Информираноста, трпението и стручното водство се многу поважни од „народните совети“.