/11 /11

Истражувачите анкетирале над 300 родители во текот на првите девет месеци по раѓањето на бебето. Половина од нив биле мајки, а половина татковци и скоро сите со добро образование. Тие одговарале на прашањата во врска со пријателствата на Фејсбук и форумите, за стресот, задоволството и родителството.

Истражувањето покажа зголемување на користењето на Фејсбук, во постнаталниот период, особено од родителите кои се под стрес. Интересно е исто така што мајките кои имаат повеќе роднини меѓу пријателите на Фејсбук, наоѓаат поголема сатисфакција во својата нова улога.

Студијата објавена во списанието на семејни односи укажува на тоа дека Фејсбук врската со поширокото семејство обезбедува намалување на стресот и поддршка за новите мајки. Родителите чувствуваат дека добиваат позитивни, повратни информации за нивната улога како родители.

Не сме изненадени!

Новите родители не треба и не смеат да бидат во изолација. Гледајќи наназад низ времето и многуте култури, постојат многу ритуали со кои во пошироката заедницата се поврзуваат мајките на малите бебиња, во текот на првите неколку месеци.

Фејсбук е модерно решение на модерен проблем. Сите ние сме разделени едни од други, но имаме исконска потреба за заедница. Фејсбук и форумите наменети за дружење на младите мајки нема да ни донесат тепсија со храна, но може да ни помогнеатда не се чувствуваме осамено.

Што мислите? Дали Фејсбук и форумите можат да бидат добри за менталното здравје на мајките?